“6 சிறுமிகள், 3 சிறுவர்கள்”… திருப்பூரில் பூட்டிய வீட்டிற்குள் காத்திருந்த அதிர்ச்சி… போலீஸாரையே அதிர வைத்த பகீர் சம்பவம்….!

திருப்பூர் நெருப்பெரிச்சல் பகுதியில் பூட்டியிருந்த அடுக்குமாடி குடியிருப்பு ஒன்றில், பள்ளி மாணவர்கள் மது அருந்தி கும்மாளமிட்ட சம்பவம் அப்பகுதி மக்களிடையே பெரும் அதிர்ச்சியை ஏற்படுத்தியுள்ளது. நீண்ட நாட்களாகப் பூட்டப்பட்டிருந்த அந்த வீட்டிற்குள் மர்மமான முறையில் சத்தம் கேட்டதால் சந்தேகமடைந்த அக்கம்பக்கத்தினர் கதவைத் தட்டி பார்த்தபோது, உள்ளே இருந்த மாணவர்களின் நிலைமையைக் கண்டு அதிர்ந்து போயினர்.

அந்த வீட்டிற்குள் 15 முதல் 18 வயதிற்குட்பட்ட 6 சிறுமியர் மற்றும் 3 சிறுவர்கள் என மொத்தம் 9 பேர் மது போதையில் சுயநினைவின்றி விழுந்து கிடந்துள்ளனர். இதில் ஒரு சிறுமி தனது உறவினருக்குச் சொந்தமான அந்த வீட்டின் சாவியைப் பயன்படுத்தி நண்பர்களை அழைத்து வந்து மது விருந்து நடத்தியது விசாரணையில் தெரியவந்தது. உடனடியாகத் தகவல் அறிந்த காவல்துறையினர் சம்பவ இடத்திற்கு வந்து மாணவர்களைக் மீட்டு காவல் நிலையத்திற்கு அழைத்துச் சென்றனர்.

இந்தச் சம்பவம் குறித்து மாணவர்களின் பெற்றோர்களுக்குத் தகவல் தெரிவிக்கப்பட்டு அவர்கள் காவல் நிலையத்திற்கு வரவழைக்கப்பட்டனர். தங்கள் பிள்ளைகள் தவறான பாதையில் செல்வதைக் கண்டு அவர்கள் கண்ணீர் விட்டு கதறி அழுதனர். காவல்துறையினர் அந்த மாணவர்களின் எதிர்காலத்தைக் கருத்தில் கொண்டு, அவர்களுக்கு உரிய அறிவுரைகளையும் எச்சரிக்கையையும் வழங்கி பெற்றோருடன் அனுப்பி வைத்தனர்.

சமீபகாலமாக பள்ளி மாணவர்கள் இது போன்ற போதைப் பழக்கங்களுக்கு ஆளாவது சமூக ஆர்வலர்களிடையே கவலையை ஏற்படுத்தியுள்ளது. பெற்றோர்கள் தங்கள் பிள்ளைகள் யாருடன் பழகுகிறார்கள், எங்கு செல்கிறார்கள் என்பதைத் தீவிரமாகக் கண்காணிக்க வேண்டும் என்றும், பிள்ளைகளுடன் போதிய நேரத்தைச் செலவிட வேண்டும் என்றும் காவல்துறையினர் வலியுறுத்தியுள்ளனர். இந்தச் சம்பவம் திருப்பூரில் பெரும் விவாதப் பொருளாக மாறியுள்ளது.