உங்க சம்பளத்துல இவ்வளவு தான் EMI இருக்கணும்…! பர்சனல் லோன் எடுப்பவர்களுக்கான முக்கிய அலர்ட்…!!

திடீர் மருத்துவச் செலவு அல்லது நிதி நெருக்கடிக்காகத் தனிநபர் கடன் வாங்கத் திட்டமிடுபவர்கள், பின்னாளில் இஎம்ஐ சுமையால் அவதிப்படுவதைத் தவிர்க்க ’25-15-5′ என்ற நிதி மேலாண்மை சூத்திரத்தைப் பின்பற்றுவது அவசியம். உங்கள் மாதச் சம்பளத்தில் 25 சதவீதத்திற்கு மேல் கடன் தவணை இருக்கக்கூடாது. கடனுக்கான வட்டி விகிதம் 15 சதவீதத்தைத் தாண்டக்கூடாது. கடனைத் திருப்பிச் செலுத்தும் காலம் 5 ஆண்டுகளுக்கு மேல் நீடிக்கக்கூடாது என்பதே இந்த சூத்திரத்தின் முக்கியக் கருத்தாகும். வங்கி மற்றும் நிதி நிறுவனங்கள் பிணையின்றி வழங்கும் இக்கடன்களுக்கு வட்டி அதிகம் என்பதால், இத்திட்டமிடல் உங்கள் குடும்ப பட்ஜெட்டைப் பாதிக்காமல் பாதுகாக்கும்.

தனிநபர் கடன் பெறுவதற்கு நல்ல சிபில் மதிப்பெண், நிலையான வருமானம் மற்றும் முறையான பணப்புழக்கம் ஆகியவை அடிப்படைத் தகுதிகளாகக் கருதப்படுகின்றன. நீண்ட காலத்திற்குத் தவணை முறையைத் தேர்ந்தெடுப்பதைத் தவிர்த்து, குறுகிய காலத்திற்குள் கடனை அடைப்பது தேவையற்ற வட்டிச் சுமையைக் குறைக்கும். இந்தச் சூத்திரத்தைப் பயன்படுத்தி கடன் தொகையை நிர்ணயிக்கும்போது, மற்ற அத்தியாவசியத் தேவைகளுக்கு நிதி நெருக்கடி ஏற்படாது. எனவே, அவசரத்திற்கு லோன் எடுக்கும் முன், உங்களின் திருப்பிச் செலுத்தும் திறனை இந்த அளவுகோல்களைக் கொண்டு ஒருமுறை சரிபார்த்துக்கொள்வது புத்திசாலித்தனமான முடிவாகும்.