“பிரதமரை தாக்க முயற்சி; சபாநாயகருக்கு மிரட்டல்” சபாநாயகர் அறைக்குள் புகுந்த காங்., எம்பிக்கள்…? வீடியோவை வெளியிட்டு அதிரடி காட்டிய மத்திய அமைச்சர்..!!

இந்த விவகாரத்தின் அடுத்தகட்டமாக, 20-க்கும் மேற்பட்ட காங்கிரஸ் எம்பிக்கள் சபாநாயகர் ஓம் பிர்லாவின் அறைக்குள் நுழைந்து அவரை அவதூறாகப் பேசி மிரட்டியதாகக் கிரண் ரிஜிஜு இன்று (பிப்ரவரி 12) குற்றம் சாட்டியுள்ளார். காங்கிரஸ் எம்பி ஒருவரால் சட்டவிரோதமாக எடுக்கப்பட்டதாகக் கூறப்படும் அந்த வீடியோவை தனது எக்ஸ் (X) தளத்தில் அவர் பகிர்ந்துள்ளார். சபாநாயகரின் அறையில் நடந்த இந்தச் சம்பவத்தின் போது பிரியங்கா காந்தி, கே.சி. வேணுகோபால் உள்ளிட்ட மூத்த தலைவர்கள் உடனிருந்ததாகவும், அவர்கள் இத்தகைய அநாகரிகமான நடத்தையை ஊக்கப்படுத்தியதாகவும் ரிஜிஜு விமர்சித்துள்ளார். இந்தச் சம்பவங்கள் நாடாளுமன்ற ஜனநாயகத்தின் மாண்பைக் குலைப்பதாக பாஜக தரப்பு குற்றம் சாட்டி வரும் நிலையில், நாடாளுமன்றத்தில் தொடர்ந்து அமளி நிலவி வருகிறது.