இன்றைய நவீன ஜென் ஜி (Gen Z) தலைமுறையினரின் அரசியல் தேடல்கள் மற்றும் எதிர்பார்ப்புகள் முற்றிலும் மாறுபட்டு வருகின்றன. அந்த வகையில், முன்னணி தனியார் தொலைக்காட்சி நடத்திய ஆய்வின் முடிவுகளின்படி, இளைய சமுதாயத்தினர் மத்தியில் அதிகம் விரும்பப்படும் எதிர்க்கட்சி சட்டமன்ற உறுப்பினர்களின் வரிசையில் திமுகவின் உதயநிதி ஸ்டாலின் மற்றும் பாமகவின் சௌமியா அன்புமணி ஆகியோர் முதலிடத்தைப் பிடித்துள்ளனர்.
களத்தில் துடிப்பாகவும் இயல்பான பேச்சினாலும் இளைஞர்களைக் கவரும் தலைவராக உதயநிதி சிறந்து விளங்கும் வேளையில், சட்டமன்ற விவாதங்களில் துல்லியமான புள்ளிவிவரங்கள் மற்றும் தரவுகளுடன் வாதிடும் பாமகவின் சௌமியா அன்புமணியின் ஆக்கப்பூர்வமான அணுகுமுறையும் ஜென் ஜி தலைமுறையினரை பெரிதும் ஈர்த்துள்ளது. இதேபோல ஆளுங்கட்சி தரப்பிலும் இளைஞர்களின் எதிர்பார்ப்புகளை பிரதிபலிக்கும் முகங்களாக ஆதவ் அர்ஜுனா மற்றும் ராஜ்மோகன் ஆகியோர் முன்னணி வரிசையில் உள்ளது தமிழக அரசியலில் ஒரு புதிய மாற்றத்தைக் காட்டுகிறது.