பெரும் பரபரப்பு..! தொண்டரை கன்னத்தில் அறைந்த திருமாவளவன்… அதிர்ச்சியில் விசிகவினர்…!!

தேனி மாவட்டம் பெரியகுளம் சட்டமன்றத் தொகுதியில், விடுதலை சிறுத்தைகள் கட்சி (விசிக) தலைவர் தொல். திருமாவளவன் தனது கட்சி வேட்பாளர் சக்திவேலை ஆதரித்துப் பிரச்சாரம் மேற்கொண்டபோது ஒரு பரபரப்பான சம்பவம் நிகழ்ந்தது. பிரச்சார வாகனத்தில் அவர் பேசிக் கொண்டிருந்தபோது, உற்சாகமடைந்த சில தொண்டர்கள் வாகனத்தின் மீது ஏற முயன்றதால் அங்கு தள்ளுமுள்ளு ஏற்பட்டது. கூட்டத்தைக் கட்டுப்படுத்த முயன்றும், தொண்டர்கள் தொடர்ந்து வாகனத்தில் ஏறியதால் ஆத்திரமடைந்த திருமாவளவன், ஒரு தொண்டரை கன்னத்தில் அறைந்தார்.

இந்தச் சம்பவம் தொடர்பான வீடியோ சமூக வலைதளங்களில் வெளியாகி தற்போது வைரலாகி வருகிறது. தேர்தல் பிரச்சாரக் களத்தில் விசிக தலைவர் இவ்வாறு நடந்துகொண்டது அரசியல் வட்டாரத்தில் பெரும் சர்ச்சையை ஏற்படுத்தியுள்ளது. இருப்பினும், நிலைமையை உடனடியாகக் கவனித்த கட்சி நிர்வாகிகள் தொண்டர்களைச் சமாதானப்படுத்தி, பிரச்சாரத்தைத் தொய்வின்றித் தொடரச் செய்தனர்.