தவெக அமைச்சரவையில் திருமாவளவன்?…. விஜய்யின் சைலன்ஸ் பின்னாடி இவ்வளவு பெரிய அரசியலா?….. கசிந்த சீக்ரெட் தகவல்….!

திருச்சி கிழக்கு தொகுதி இடைத்தேர்தலில் விசிக தலைவர் திருமாவளவன் போட்டியிட ஆர்வம் காட்டி வருவதாகவும், மாநில அரசியலுக்கு திரும்புவதற்காக அவர் தனது சிதம்பரம் எம்பி பதவியை ராஜினாமா செய்துவிட்டு அந்த தொகுதியை தவெகவிற்கு வழங்க முன்வந்துள்ளதாகவும் தகவல்கள் வெளியாகியுள்ளன. தவெக தலைமையிலான கூட்டணியில் இடம்பெற்றுள்ள விசிக, திருமாவளவனை அமைச்சரவைக்குள் கொண்டுவரும் முயற்சியில் இறங்கியுள்ளது. இதற்காக விசிகவைச் சேர்ந்த ஆதவ் அர்ஜுனா மற்றும் தவெகவின் புஸ்ஸி ஆனந்த் உள்ளிட்டோர் நடத்திய பேச்சுவார்த்தையில் உடன்பாடு எட்டப்பட்டுள்ளதாகவும் கூறப்படுகிறது.

தேசிய அரசியலில் இருந்து விலகி மாநில அரசியலில் கவனம் செலுத்தத் திட்டமிட்டுள்ள திருமாவளவன், சட்டப்பேரவை இடைத்தேர்தலில் களமிறங்க ஆயத்தமாகி வருகிறார். இதற்குப் பதிலாக சிதம்பரம் நாடாளுமன்றத் தொகுதியை தவெகவிற்கு விட்டுக்கொடுக்க அவர் சம்மதித்துள்ளதாகத் தெரிகிறது. இந்த விவகாரம் தொடர்பாக தவெக தலைவர் விஜய்யிடம் முறையான தகவல்கள் கொண்டு செல்லப்பட்டுள்ள போதிலும், அவர் இதுவரை எந்தவிதமான உறுதியான பதினையும் அளிக்காமல் அமைதி காத்து வருவதாகக் கூறப்படுகிறது.

முதல்வர் விஜய்யின் இந்த அமைதியான போக்கு, திருமாவளவன் மற்றும் அவரது கட்சியினர் மத்தியில் சிறிது சோர்வையும் குழப்பத்தையும் ஏற்படுத்தியுள்ளது. எனினும், திருச்சி கிழக்கு தொகுதிக்கு இடைத்தேர்தல் அதிகாரப்பூர்வமாக அறிவிக்கப்பட்ட பின்னரே விஜய் தனது இறுதி முடிவை வெளியிடுவார் என்று அரசியல் வட்டாரங்களில் எதிர்பார்க்கப்படுகிறது. இந்த விவகாரம் தமிழக அரசியலில் தற்போது பெரும் விவாதப் பொருளாக மாறியுள்ளது.