“அவங்களை சேர்க்காதீங்க ப்ளீஸ்”… தவெகவிடம் கெஞ்சிய திருமாவளவன்?…. விசிகவில் வெடித்த குமுறல்…. மூடப்பட்ட அறைக்குள் நடந்த ரகசிய மீட்டிங்…!

தமிழக அரசியல் களத்தில் நடந்து முடிந்த சட்டமன்றத் தேர்தலுக்குப் பிந்தைய சூழல், விடுதலைச் சிறுத்தைகள் கட்சிக்குள் பெரும் சலசலப்பை ஏற்படுத்தியுள்ளது. தேர்தல் முடிவுகளுக்குப் பிறகு அக்கட்சியின் தலைவர் தொல். திருமாவளவன் மிகுந்த கவலையில் இருப்பதாக விசிக நிர்வாகிகளே பேசத் தொடங்கியுள்ளனர். விசிகவின் வாக்கு வங்கி மற்றும் அடிமட்ட நிர்வாகிகள், புதிதாக ஆட்சிப் பொறுப்பேற்றுள்ள தமிழக வெற்றிக் கழகத்தை நோக்கித் தடம் மாறுவதுதான் இந்த விரக்திக்கும் கவலைக்கும் மிக முக்கியக் காரணமாகச் சொல்லப்படுகிறது.

நடந்து முடிந்த தேர்தலில், தவெகவின் வெற்றிக்கு விசிகவில் உள்ள பட்டியலின இளைஞர்களின் வாக்குகள் கணிசமாகப் பங்களித்துள்ளன. விசிக இளைஞரணியைச் சேர்ந்த சுமார் 90 சதவீதத்தினர் நடிகர் விஜய்யின் ரசிகர்களாக இருப்பதால், கட்சித் தலைமையின் உத்தரவுகளையும் மீறி அவர்கள் தவெகவின் ‘விசில்’ சின்னத்திற்கு வாக்களித்துள்ளனர். “விசிகவின் வாக்குகள் விசிகவுக்கே விழவில்லை, கூட்டணிக் கட்சிகளுக்கும் விழவில்லை” என்று தேர்தல் முடிவுகளுக்குப் பின் திருமாவளவன் கவலையோடு பேசியதும், விசிகவில் அண்ணன் திருமாவைத் தவிர வேறு யாரும் இல்லை என்று தவெக தரப்பில் ஆதவ் அர்ஜுனா விமர்சித்ததும் இந்த வாக்கு மாற்றத்தை உறுதிப்படுத்துவதாக அமைந்தது.

தேர்தலுக்குப் பிறகு தவெகவுக்குப் பெரும்பான்மை பலம் கிடைக்காத நிலையில், தங்களை ஆதரிக்குமாறு விசிகவிடம் ஆதவ் அர்ஜுனா பேச்சுவார்த்தை நடத்தினார். இதுகுறித்து சிந்தனைச் செல்வன், ரவிக்குமார், எஸ்.எஸ்.பாலாஜி உள்ளிட்ட மூத்த தலைவர்களுடன் திருமா ஆலோசித்தபோது, வன்னியரசு தவிர மற்றவர்கள் தவெகவின் ஆஃபரை எதிர்த்தனர். தவெகவுக்கு எதிராக வாக்களித்த மக்களின் மனநிலைக்கு மாறாக விஜய்யை ஆதரிப்பது ஆரோக்கியமற்றது என அவர்கள் வாதிட்டனர். எனினும், வாக்கு வங்கியைத் தக்கவைக்கவும், ஆட்சி அதிகாரத்தில் பங்கு பெற்று கட்சியை வலிமைப்படுத்தவும் தவெகவுக்கான ஆதரவு நிலை இறுதியாக எடுக்கப்பட்டது.

ஆனாலும், கடந்த ஒரு மாத காலமாக அதிமுக, திமுக உள்ளிட்ட கட்சிகளிலிருந்து தவெகவில் இணையும் வைபவம் தீவிரமடைந்துள்ள சூழலில், விசிகவின் நிர்வாகிகளும் தவெகவுக்குத் தாவும் முயற்சியில் இறங்கியுள்ளனர். இதுகுறித்து அண்மையில் மூத்த நிர்வாகிகளுடன் ஆலோசித்த திருமாவளவன், தவெக அமைச்சர்களின் அணுகுமுறை மற்றும் ஆட்சி நிர்வாகம் பற்றி கேட்டறிந்தார். அப்போது விசிகவினர் தவெகவுக்கு மாறுவது கட்சியின் பலத்தை பலவீனமாக்கும் என்பதால், “கூட்டணி ஆட்சியில் இருக்கும்போது எங்கள் கட்சியிலிருந்து வருபவர்களை தவெகவில் சேர்த்துக் கொள்ள வேண்டாம்” என ஆதவ் அர்ஜுனாவிடம் திருமாவளவன் நேரடியாகவே தொலைபேசியில் வலியுறுத்தியுள்ளதாக விசிக தரப்பில் பரபரப்பாகப் பேசப்படுகிறது.