விசிக தலைவர் தொல். திருமாவளவன், திமுகவுடனான கூட்டணி குறித்துப் பேசிய சமீபத்திய கருத்துகள் தமிழக அரசியலில் பெரும் கவனத்தைப் பெற்றுள்ளன. கடந்த 2024 நாடாளுமன்றத் தேர்தலில் இருந்தே திமுக தலைமையிலான கூட்டணியில் இருந்து விடுதலைச் சிறுத்தைகள் கட்சியை வெளியேற்றப் பல வழிகளில் முயற்சிகள் நடந்ததாக அவர் வெளிப்படையாகத் தெரிவித்துள்ளார். இந்தக் கூட்டணியை உடைப்பதற்குத் தொடர்ந்து நெருக்கடிகள் அளிக்கப்பட்டபோதிலும், மதச்சார்பற்ற கூட்டணி இருக்க வேண்டும் என்பதில் தாம் உறுதியாக இருந்ததாக அவர் குறிப்பிட்டுள்ளார்.
அதிமுக கூட்டணியில் விசிகவை இணைப்பதற்குப் பல்வேறு தரப்பிலிருந்து தீவிர முயற்சிகள் மேற்கொள்ளப்பட்டதாகவும், திமுக கூட்டணியை விட்டு வெளியேற வைக்கவே விசிகவை இலக்கு வைத்துப் பிரசாரங்கள் முன்னெடுக்கப்பட்டதாகவும் திருமாவளவன் சுட்டிக்காட்டினார். இது தொடர்பாகப் பலரும் தங்களை விமர்சித்து வரும் சூழலில், தாம் எதிர்கொண்ட நெருக்கடிகள் குறித்தும் கூட்டணி தர்மம் குறித்தும் அப்போதே திமுக தலைவர் ஸ்டாலினிடம் நேரில் பகிர்ந்து கொண்டதாகவும், இந்தக் கூட்டணியைப் பிரிக்க ஒருபோதும் இடம் கொடுக்க மாட்டேன் என உறுதியளித்ததாகவும் அவர் கூறினார்.
மேலும், விசிக துணைப் பொதுச்செயலாளராகப் பணியாற்றிய ஆதவ் அர்ஜுனாவின் அணுகுமுறை குறித்தும் கட்சியின் செயற்குழு கூட்ட நிகழ்வுகளை மேற்கோள்காட்டி அவர் பேசினார். “அடுத்த முதலமைச்சர் திருமாவளவன் தான்” என்ற முழக்கத்துடன் பிரசாரத்தை முன்னெடுக்க வேண்டும் என்றும், ஒடுக்கப்பட்ட மக்கள் மட்டுமன்றிப் பிற ஜனநாயக சக்திகளும் அவர் மீது நம்பிக்கை வைத்துள்ளதால், திமுக கூட்டணியில் இருந்து வெளியேறி தனியாகக் களம் காண வேண்டும் என்றும் ஆதவ் அர்ஜுனா தன்னிடம் வலியுறுத்தியதாகத் திருமாவளவன் தெரிவித்தார்.
ஆனால், தமக்கு முதலமைச்சர் பதவி என்பதை விடவும் ஆர்.எஸ்.எஸ் மற்றும் பா.ஜ.க தமிழகத்தில் காலூன்றுவதைத் தடுப்பதே முதன்மையான கடமை என்பதைத் திருமாவளவன் திட்டவட்டமாக எடுத்துரைத்துள்ளார். வலதுசாரி சக்திகள் வலுப்பெற முயலும் இந்தக் காலகட்டத்தில், திமுக தலைமையிலான வலுவான கூட்டணியை உடைத்துவிட்டோம் என்ற பழியைச் சுமக்க விரும்பவில்லை எனக் கூறி, அந்த யோசனையைத் தாம் நிராகரித்துவிட்டதாகப் பேசி தமிழக அரசியல் களத்தில் விவாதத்தைத் தூண்டியுள்ளார்.
நடக்க முடியாத தனது மாமனாரை மருமகள் ஒருவர் தன் தோளில் சுமந்து செல்லும் நெகிழ்ச்சியான வீடியோ காட்சி தற்போது இணையத்தில்…
திருவாரூர் மாவட்டம் திருத்துறைப்பூண்டியில் உள்ள தனியார் பள்ளியில், மூன்று வயது ப்ரீ-கேஜி மாணவன் ஆசிரியர் மற்றும் பள்ளி உதவியாளரால் தாக்கப்பட்ட…
மேற்கு வங்க மாநிலம் ஜார்கிராம் பகுதியைச் சேர்ந்த பிரபல பாம்பு பிடிப்பவரான ‘சர்பபந்து’ என்பவர், செவ்வாய்க்கிழமை இரவு நடைபெற்ற மானசா…
ஆசை வார்த்தை கூறி சிறுமியைப் பாலியல் வன்கொடுமை செய்து கர்ப்பமாக்கிய 55 வயது முதியவருக்கு, போக்சோ சிறப்பு நீதிமன்றம் கடுமையான…
மகாராஷ்டிரா மாநிலம் கோண்டியா மாவட்டத்தில் உள்ள வனப்பகுதியில் 35 வயதான வர்ஷா துர்கர் என்ற விமான நிறுவன ஊழியர் கொலை…
உத்தரப் பிரதேச மாநிலம் கான்பூரில் உள்ள சகேரி காவல் நிலைய எல்லைக்குட்பட்ட பகுதியில், மனிதநேயமற்ற அலட்சியத்தால் ஒரு துயரச் சம்பவம்…