திருச்சியில் செய்தியாளர்களைச் சந்தித்த விடுதலைச் சிறுத்தைகள் கட்சித் தலைவர் தொல். திருமாவளவன், திமுக தலைவர் மு.க.ஸ்டாலினுக்கு வழங்கப்பட்டு வந்த பாதுகாப்பைக் குறைப்பது எந்தவிதத்திலும் ஏற்புடையதல்ல என்றும், அவருக்கு ஏற்கெனவே வழங்கப்பட்ட Z+ பாதுகாப்பை அரசு மீண்டும் வழங்க வேண்டும் என்றும் வலியுறுத்தியுள்ளார். மேலும், அரசின் கொள்கை விளக்கக் குறிப்பிலிருந்து பெரியார் மற்றும் அம்பேத்கர் ஆகியோரின் பெயர்கள் நீக்கப்பட்டிருப்பது குறித்து கேள்வி எழுப்பிய அவர், இதன் பின்னணியில் ஏதேனும் உள்நோக்கம் உள்ளதா என்ற ஐயம் ஏற்படுவதாகக் கூறித் தனது கவலையையும் வெளிப்படுத்தியுள்ளார்.
