அய்யய்யோ… போலீசார் தூங்கிக் கொண்டிருந்த நேரம்… லட்சக்கணக்கில் விலையுயர்ந்த அல்ட்ராசவுண்ட் மெஷினை… தூக்கிச் சென்ற திருடர்கள்… உ . பி – யில் நடந்த பகீர் சம்பவம்…!

உத்தரப் பிரதேச மாநிலம் லக்னோவில் உள்ள சௌக் காவல் நிலைய எல்லைக்குட்பட்ட நகஹாஸ் பகுதியில் அமைந்துள்ள ‘ஃபர்ஸ்ட் ஸ்கேன்’ டயாக்னோஸ்டிக் சென்டரில் கடந்த சில நாட்களுக்கு முன்பு லட்சக்கணக்கில் மதிப்புள்ள பொருட்கள் திருடப்பட்டுள்ளன. காவல் நிலையத்திற்கு அருகிலேயே இந்தச் சம்பவம் நடந்திருந்தாலும், பாதுகாப்புப் பணியில் இருந்தவர்கள் தூங்கிக் கொண்டிருந்ததை சாதகமாகப் பயன்படுத்தி மர்மக் கும்பல் கைவரிசையைக் காட்டியுள்ளது.

மையத்தின் பூட்டை உடைத்து உள்ளே நுழைந்த திருடர்கள், அங்கு வைக்கப்பட்டிருந்த விலைமதிப்பற்ற அல்ட்ராசவுண்ட் இயந்திரம் மற்றும் பல முக்கிய மருத்துவ உபகரணங்களை லாவகமாகத் தூக்கிச் சென்றுள்ளனர். இந்தத் திருட்டுச் சம்பவம் தொடர்பான சிசிடிவி காட்சிகள் தற்போது வெளியாகி பெரும் பரபரப்பை ஏற்படுத்தியுள்ளன. அதில் திருடர்கள் மருத்துவமனை உபகரணங்களை ஒரு காரில் ஏற்றிச் செல்லும் காட்சிகள் தெளிவாகப் பதிவாகியுள்ளன.

போலீசாரின் ரோந்துப் பணியை ஏமாற்றி நடந்த இந்தத் துணிகரத் திருட்டு அப்பகுதி மக்களிடையே கடும் அதிர்ச்சியை ஏற்படுத்தியுள்ளது. பாதிக்கப்பட்ட மையத்தின் உரிமையாளர் அளித்த புகாரின் அடிப்படையில், சௌக் காவல் நிலைய போலீசார் வழக்குப் பதிவு செய்து சிசிடிவி காட்சிகளின் உதவியுடன் தப்பியோடிய திருடர்களை தீவிரமாகத் தேடி வருகின்றனர்.