சமையல் கேஸ் உருளை பயன்படுத்தும் வாடிக்கையாளர்கள் தங்களது இ-கேஒய்சி (e-KYC) சரிபார்ப்பை கட்டாயம் நிறைவு செய்ய வேண்டும் என கேஸ் விநியோக நிறுவனங்கள் அறிவித்துள்ளன. இதற்காக வழங்கப்பட்ட காலக்கெடு கடந்த செப்டம்பர் 30-ஆம் தேதியுடன் முடிவடைந்துவிட்ட நிலையில், இதுவரை இ-கேஒய்சி நடைமுறையை முடிக்காத பயனாளிகளுக்கான சிலிண்டர் முன்பதிவு தற்போது தற்காலிகமாக நிறுத்தப்பட்டுள்ளது. போலி இணைப்புகளைத் தவிர்ப்பதற்கும், தகுதியான பயனாளிகளுக்கு மானியம் தடையின்றி கிடைப்பதை உறுதி செய்வதற்காகவும் இந்த நடவடிக்கை தீவிரப்படுத்தப்பட்டுள்ளது.
எனவே, வாடிக்கையாளர்கள் தங்களது கேஸ் சேவையை எந்தவித இடையூறும் இன்றி தொடர்ந்து பெற, உடனடியாக e-KYC நடைமுறையை நிறைவு செய்யுமாறு அறிவுறுத்தப்படுகிறார்கள். இதற்கு உங்கள் ஆதார் கார்டு மற்றும் கேஸ் இணைப்புப் புத்தகம் உள்ளிட்ட தேவையான ஆவணங்களுடன் அருகிலுள்ள கேஸ் விநியோக மையத்தை நேரடியாக அணுகலாம். அல்லது கேஸ் நிறுவனங்களின் அதிகாரப்பூர்வ கைப்பேசி செயலி (Mobile App) மூலமாகவும் வீட்டிலிருந்தபடியே எளிதாக இ-கேஒய்சி சரிபார்ப்பை முடித்து, கேஸ் உருளை முன்பதிவை மீண்டும் பெறலாம்.