குஜராத்தின் சூரத்தில் 37 வயது பெண் ஒருவர் தனது கணவரைக் கொலை செய்த வழக்கில் கைது செய்யப்பட்டுள்ளார். பீகாரைச் சேர்ந்த இந்தத் தம்பதியினர் சூரத் பகுதியில் வசித்து வந்த நிலையில், மும்பையில் கூலி வேலை பார்த்து வந்த கணவர் மாதத்திற்கு ஒருமுறை வீட்டிற்கு வரும்போது, பாலியல் ஊக்க மருந்துகளைப் பயன்படுத்தி மனைவியைக் கொடூரமாகச் சித்திரவதை செய்ததாகக் கூறப்படுகிறது. இதனால் ஏற்பட்ட உடல்நலப் பாதிப்புகள் மற்றும் ரத்தப்போக்கு காரணமாக, அந்த நரக வாழ்க்கையிலிருந்து தப்பிக்க மனைவியே இக்கொலையைச் செய்ததாக முதற்கட்ட விசாரணையில் தெரியவந்துள்ளது.
காவல் ஆய்வாளர் என்.கே. கமலியாவின் கூற்றுப்படி, குற்றம் சாட்டப்பட்ட பெண்ணும் அவரது இறந்த கணவரும் பீகாரைச் சேர்ந்தவர்கள். கணவர் மும்பையில் கூலித் தொழிலாளியாக வேலை செய்து மாதத்திற்கு ஒரு முறை சூரத்துக்குச் செல்வார். விசாரணையின் போது, தனது கணவர் வீடு திரும்பும் போதெல்லாம் தன்னை கொடூரமாக சித்திரவதை செய்வதாக அந்தப் பெண் தெரிவித்தார். பாலியல் வன்கொடுமையால் அவருக்கு கடுமையான உடல் காயங்களும், இரத்தப்போக்கும் ஏற்பட்டது. இந்த நரக வாழ்க்கையிலிருந்து தப்பிக்க, தனது கணவரை கொலை செய்ய முடிவு செய்தாள்.
அந்தப் பெண் தனது கணவரை இரண்டு முறை கொல்ல முயன்றார். ஜனவரி 1 ஆம் தேதி இரவு, மஞ்சள் பாலில் எலி விஷத்தைக் கலந்து அவருக்குக் கொடுத்தார். ஆனால், இது அவரைக் கொல்லவில்லை. பின்னர், ஜனவரி 5 ஆம் தேதி, விஷம் குடித்ததால் அவரது கணவரின் உடல்நிலை ஏற்கனவே மோசமடைந்து கொண்டிருந்தபோது, அவர் அவரைத் தாக்கி கழுத்தை நெரித்து கொலை செய்தார். கொலைக்கு பிறகு கணவரின் மரணத்தை ஒரு நோயினால் ஏற்பட்ட உயிரிழப்பாக மறைக்க அந்தப் பெண் முயன்றுள்ளார். ஆனால், உயிரிழந்தவரின் சகோதரர் சடலத்தை சொந்த ஊரான பீகாருக்கு எடுத்துச் செல்ல விரும்பியபோது, அந்தப் பெண் அதற்கு முட்டுக்கட்டை போட்டு சூரத்திலேயே அடக்கம் செய்ய வலியுறுத்தியுள்ளார். இதனால் ஏற்பட்ட சந்தேகத்தின் அடிப்படையில் நடத்தப்பட்ட பிரேதப் பரிசோதனை மற்றும் போலீஸ் விசாரணையில் உண்மை வெளிச்சத்திற்கு வந்தது.