“உன் பையனை கொன்னுட்டேன்டி”… தாயின் கள்ளக்காதல்… போனில் வந்த மிரட்டல்… பலியான 9 வயது சிறுவன்… கட்டிலுக்கு அடியில் நடந்த கொடூரம்…!!

சென்னை கோயம்பேடு நியூ காலனி பகுதியில் வசித்து வரும் 30 வயதான பூவரசி என்ற பெண், தனது கணவரைப் பிரிந்து ஒன்பது வயது மகனான தருணுடன் தனியாக வாழ்ந்து வந்தார். இவருடன் தமிழ்ச்செல்வன் என்ற நபரும் பழகி வந்துள்ளார்; இவர்கள் இருவரும் ஒரே வீட்டில் வசித்து வந்ததாகக் கூறப்படுகிறது. இந்நிலையில், பூவரசிக்கும் தமிழ்ச்செல்வனுக்கும் இடையே வேறு நபருடன் பேசுவது தொடர்பாக அடிக்கடி சிறுசிறு காரணங்களுக்காக குடும்பத் தகராறு ஏற்பட்டு வந்துள்ளது.

சம்பவத்தன்று இரவு கோயம்பேடு பேருந்து நிலையம் அருகே இருவருக்கும் இடையே மீண்டும் கடும் வாக்குவாதம் ஏற்பட்டுள்ளது. இதன் பின்னர் ஆத்திரமடைந்து தனியாக வீட்டிற்குச் சென்ற தமிழ்ச்செல்வன், பூவரசியை செல்போனில் தொடர்புகொண்டு அவரது மகனைக் கொலை செய்யப் போவதாக மிரட்டியுள்ளார். சிறிது நேரம் கழித்து மீண்டும் அழைத்த அவர், 9 வயது சிறுவனின் கழுத்தை நெரித்துக் கொடூரமாகக் கொலை செய்துவிட்டதாகத் தெரிவித்துள்ளார்.

இதைக் கேட்டு பதறியடித்துக்கொண்டு உடனடியாக வீட்டிற்குச் சென்று பார்த்தபோது, சிறுவன் தருண் கொலை செய்யப்பட்டு கட்டிலுக்கு அடியில் சடலமாகக் கிடப்பதைக் கண்டு பூவரசி அதிர்ச்சியடைந்தார். இதுகுறித்து தகவல் அறிந்து சம்பவ இடத்திற்கு விரைந்து வந்த சிஎம்பிடி காவல் துறையினர், சிறுவனின் உடலை மீட்டு பிரேதப் பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். இந்த கொடூர சம்பவத்தை அரங்கேற்றிவிட்டு தலைமறைவாகியுள்ள தமிழ்ச்செல்வனைப் பிடிக்க காவல்துறையினர் தனிப்படை அமைத்து தீவிரமாகத் தேடி வருகின்றனர்.