டேய்… அது பிளேன் இல்லடா… வானத்துல பறக்குற அணுசக்தி ஆபீஸ்… டெல்லியை அதிரவைத்த பறக்கும் கிரெம்ளின் ரகசியம்… இணையத்தில் கலக்கும் வைரல் வீடியோ…!

ரஷிய அதிபர் விளாடிமிர் புடின், இந்தியாவில் நடைபெறும் பிரிக்ஸ் உச்சிமாநாட்டில் பங்கேற்பதற்காக “பறக்கும் கிரெம்ளின்” என்று அழைக்கப்படும் சிறப்பு Ilyushin IL-96-300PU விமானத்தில் புதுடெல்லி வந்தடைந்தார். புடின் எந்த விமானத்தில் பயணிக்கிறார் என்பதைக் கண்டறிவதைத் தவிர்க்கும் வகையில், ஒரே மாதிரியான இரண்டு விமானங்கள் இந்தப் பயணத்தின் போது பயன்படுத்தப்பட்டது இணையவாசிகளிடையே பெரும் பரபரப்பையும் கவனத்தையும் ஈர்த்துள்ளது.

இந்த ‘Ilyushin IL-96-300PU’ விமானம் வெறும் ஆடம்பரப் பயண சாதனம் மட்டுமல்லாமல், வான்வெளியில் இயங்கும் ஒரு பாதுகாப்பு மற்றும் கட்டளை மையமாகச் செயல்படுகிறது. இதில் அதிநவீன செயற்கைக்கோள் தகவல் தொடர்பு அமைப்புகள், அணுசக்தி அல்லது ராணுவக் கட்டுப்பாட்டு நெட்வொர்க்குகளுடன் பாதுகாப்பாகத் தொடர்பு கொள்ளும் வசதிகள் மற்றும் மின்னணுப் பாதுகாப்பு அமைப்புகள் இடம்பெற்றுள்ளன. நான்கு என்ஜின்கள் கொண்ட இந்த விமானம் சுமார் 11,000 கிலோமீட்டர் தூரம் வரை இடைநில்லாமல் பறக்கும் திறன் கொண்டது.

https://www.instagram.com/reel/DdHzYbHzUf0/?utm_source=ig_web_button_share_sheet

பாதுகாப்பிற்கு இணையாக இந்த விமானத்தின் உட்பகுதி மிகுந்த ஆடம்பரத்துடன் வடிவமைக்கப்பட்டுள்ளது. அதிபருக்கான பிரத்யேக அறை, படுக்கையறைகள், குளியலறை, மாநாட்டு அறை, உயர்தர மரச் சாமான்கள் மற்றும் தங்கக் முலாம் பூசப்பட்ட அலங்காரங்களுடன் “வானில் மிதக்கும் மாளிகை” போல இது உருவாக்கப்பட்டுள்ளது. புடினின் இந்த இந்திய வருகையும், அவரது அதிநவீன விமானத்தின் சிறப்பம்சங்களும் தற்போது இணையத்தில் வைரலாகி வருகின்றன.