சீனாவில் உள்ள பல்கலைக்கழகம் ஒன்றில் மாணவர் ஒருவர் சுமார் 27 கோடி ரூபாய் (3.5 மில்லியன் டாலர்) மதிப்பிலான ‘ஆஸ்டன் மார்ட்டின் வால்கெய்ரி’ (Aston Martin Valkyrie) என்ற மிக விலையுயர்ந்த ஹைப்பர் காரில் வளாகத்தை விட்டு வெளியேறும் வீடியோ சமூக வலைதளங்களில் வைரலாகி வருகிறது. உலகின் மிகவும் சக்திவாய்ந்த மற்றும் அரிதான கார்களில் ஒன்றான இதில், ஒரு மாணவர் கல்வி நிறுவனத்திற்கு வந்து செல்வது அங்கிருந்தவர்களையும் இணையவாசிகளையும் பெரும் வியப்பில் ஆழ்த்தியுள்ளது. இந்த கார் அதன் தனித்துவமான வடிவமைப்பு மற்றும் பார்முலா 1 கார் போன்ற வேகத்திற்காக அறியப்படுகிறது.
A Shanghai university student was spotted leaving campus in an Aston Martin Valkyrie, valued at around $3 million🤯😱 pic.twitter.com/Qzfuu3MHMr
— Dami’ Adenuga (@DAMIADENUGA) March 3, 2026
இந்த வீடியோவை பகிர்ந்தவர்கள் அந்த மாணவரின் அதீத சொகுசு வாழ்க்கை முறையைக் கண்டு தங்களது கருத்துக்களைப் பதிவிட்டு வருகின்றனர். ஆஸ்டன் மார்ட்டின் வால்கெய்ரி கார் உலகளவில் மிகக் குறைந்த எண்ணிக்கையிலேயே (சுமார் 150 முதல் 275 வரை) உற்பத்தி செய்யப்பட்டுள்ளது என்பது குறிப்பிடத்தக்கது. இவ்வளவு பிரத்யேகமான ஒரு காரை ஒரு மாணவர் ஓட்டிச் சென்றது, “நிஜமான பணக்கார மாணவர்” என்ற விவாதத்தை சமூக வலைதளங்களில் கிளப்பியுள்ளது.