திருமணமான 3 மாதத்தில் இப்படியா..? மாமனார் செய்த செயல்… விஷம் குடித்து கவலைக்கிடமான நிலையில் மருமகன்.. நடந்தது என்ன..??

பரேலியின் சுபாஷ் நகர் பகுதியில் உள்ள கார்கேனா கிராமத்தைச் சேர்ந்த 23 வயதான அஜய் என்பவருக்கும், ஷேகுபூர் பகுதியைச் சேர்ந்த இளம்பெண் ஒருவருக்கும் கடந்த இரண்டு மாதங்களுக்கு முன்புதான் திருமணம் நடந்துள்ளது. ஆனால், திருமணமான சில நாட்களிலேயே இருவருக்கும் இடையே கருத்து வேறுபாடு ஏற்பட்டு, அஜய்யின் மனைவி தனது தாய் வீட்டிற்குச் சென்றுவிட்டார். இதனால் இரு குடும்பத்தாருக்கும் இடையே பதற்றமான சூழல் நிலவி வந்தது.

தனது மனைவியை மீண்டும் வீட்டிற்கு அழைத்து வருவதற்காக அஜய் பதுவான் மாவட்டத்தில் உள்ள ஷேகுபூருக்குச் சென்றுள்ளார். அப்போது, அஜய்யின் மாமனார் வீட்டார் அவரை கடுமையாகத் திட்டி, அநாகரீகமாகப் பேசி கொலை மிரட்டல் விடுத்ததாகக் கூறப்படுகிறது. இதனால் மிகுந்த மன உளைச்சலுக்கு ஆளான அஜய், வீடு திரும்பியதும் தற்கொலை செய்துகொள்ளும் நோக்கில் விஷம் அருந்தியுள்ளார். அவரது உடல்நிலை மோசமடைந்ததைக் கண்ட குடும்பத்தினர், உடனடியாக அவரை மீட்டு மாவட்ட அரசு மருத்துவமனையில் சிகிச்சைக்காக அனுமதித்தனர்.

இந்தச் சம்பவம் குறித்து அஜய்யின் தாய் கூறுகையில், தனது மருமகள் வீட்டில் இருந்த நகை மற்றும் பணத்தை எடுத்துக் கொண்டு தாய் வீட்டிற்குச் சென்றுவிட்டதாகப் பரபரப்பு புகாரை முன்வைத்துள்ளார். மேலும், மாமனார் வீட்டாரின் மிரட்டலே தனது மகன் இத்தகைய முடிவை எடுக்கக் காரணம் என்றும் அவர் குற்றம் சாட்டியுள்ளார். இச்சம்பவம் குறித்து காவல்துறையினர் விசாரணை மேற்கொண்டு வரும் நிலையில், தற்போது அஜய் உயிருக்கு ஆபத்தான நிலையில் தீவிர சிகிச்சை பெற்று வருகிறார்.