ஜப்பானியர்கள் அழகைப் பராமரிக்க மேற்கொள்ளும் வழிகளில் நீர் சிகிச்சையும் ஒன்று. அது என்ன என்பதை பார்க்கலாம். ஜப்பானிய அழகின் முக்கிய அம்சங்களில் ஒன்று தண்ணீர் குடிப்பது மற்றும் விதிகளை பின்பற்றுதல். இவ்வாறு செய்வதன் மூலம் அழகாக இருக்கலாம். ஜப்பானில் தண்ணீர் அழகு சாதன பொருட்கள் ஒன்றாக பயன்படுத்தப்படுகிறது.
அதாவது காலையில் எழுந்தவுடன் வெறும் வயிற்றில் தண்ணீர் குடிக்க வேண்டும். ஆனால் குளிர்ந்த அல்லது சூடான நீரை குடிக்கக் கூடாது. அறை வெப்பநிலை நீரை குடிப்பது செரிமான அமைப்புக்கு பெரிதும் பயனளிக்கிறது. அந்த நீரின் வெப்பநிலை குடிப்பதற்கு ஏற்றவாறு இருக்க வேண்டும். குளிர்ந்த நீரை குடிக்க கூடாது. வெதுவெதுப்பான நீரை அருந்தலாம்.
ஜப்பானிய விஞ்ஞானிகள் காலையில் எழுந்தவுடன் மூன்று முதல் நான்கு கிளாஸ் தண்ணீரை வெறும் வயிற்றில் குடிக்க வேண்டும் என கூறுகின்றனர். அப்படி குடிப்பதால் கொழுப்பு உடலில் சேரும் அபாயம் குறைகிறது. இதனையடுத்து எழும்புவதற்கு முன்பும் பல் துலக்குவதற்கு முன்பும் தண்ணீர் குடித்தால் அதன் பலன் அதிகமாக கிடைக்கும். வயிற்றுக்கு மிகவும் பயனுள்ளதாக இருக்கும் என அந்த நாட்டு மருத்துவர்கள் நினைக்கின்றனர்.
ஜப்பானியர்கள் எழுந்து நின்று தண்ணீர் குடிக்க விரும்ப மாட்டார்கள். உட்கார்ந்த நிலையில் தான் தண்ணீரை குடிக்க வேண்டும் என கூறுகின்றனர். இது சிறுநீரக பாதிப்பில் இருந்து தப்பிப்பதற்கு வழிவகைக்கிறது. இந்த சிகிச்சை முறையில் ஒரே நேரத்தில் நிறைய தண்ணீர் குடிக்க கூடாது. ஒரே நேரத்தில் ஒரு அல்லது இரண்டு சிப் தண்ணீர் குடிக்க வேண்டும். அதன் பிறகு 2,3 நிமிடங்கள் இடைவெளி கொடுத்து மீண்டும் தண்ணீர் குடிக்கலாம்.
இந்த சிகிச்சை முறையில் காலை சிற்றுண்டி, மதிய உணவு, இரவு உணவுக்கு பிறகு தான் தண்ணீர் குடிக்க வேண்டும் என்ற விதி இல்லை. குறைந்தது அரை மணி நேர இடைவெளி விட்டு தண்ணீர் குடிக்கலாம். இந்த நீர் சிகிச்சை முறை எடையை கட்டுப்படுத்த உதவுகிறது என ஜப்பானியர்கள் நம்புகின்றனர். தோல் முடியின் தரத்தை பராமரித்து வயது உணர்வை குறைக்கிறது. இதனால் நீர் சிகிச்சை மீது மக்கள் அதிக நம்பிக்கை வைத்துள்ளனர்.