“அவ்வளவு பெரிய யானை கண்ணுக்குத் தெரியலையா?.. யானையின் தந்தத்தையே உடைத்த ஆசிரியை.. காட்டு ராஜாவுக்கே’ டஃப் கொடுத்த ஸ்கூட்டி… இணையத்தைக் கலக்கும் மீம்ஸ்”..!!

காட்டின் மிக வலிமையான விலங்குகளில் ஒன்றாக யானை கருதப்படும் நிலையில், ஸ்கூட்டி (Scooty) வாகனத்தில் மோதி அதன் தந்தம் உடைந்த விசித்திரமான சம்பவம் உத்தரகாண்ட் மாநிலத்தின் காதிமா (Khatima) நகரில் அரங்கேறியுள்ளது. தன் தாயகமான தனக்பூருக்குப் பாடம் நடத்த ஸ்கூட்டியில் சென்றுகொண்டிருந்த ஆசிரியை ஒருவர், பன்பசா-சகர்பூர் இடையே உள்ள அடர்ந்த காட்டுச் சாலையில் பயணித்தபோது இந்த விபத்து நேர்ந்துள்ளது. அப்போது திடீரென ஒரு யானை சாலையைக் கடந்ததால், கட்டுப்பாட்டை இழந்த ஆசிரியை தனது ஸ்கூட்டியால் யானையின் மீது பயங்கரமாக மோதியுள்ளார். இந்த மோதலின் வேகம் காரணமாக யானையின் ஒரு தந்தம் உடைந்ததோடு, அந்த ஆசிரியையும் காயமடைந்துள்ளார்.

விபத்து நடந்தவுடன் யானை ஆக்ரோஷமாக மாற வாய்ப்பிருந்தபோதிலும், அந்தச் சால வழியே சென்ற மற்ற வாகன ஓட்டிகள் சத்தம் எழுப்பியதால் யானை பயந்து மீண்டும் காட்டுக்குள்ளேயே ஓடிவிட்டது. இந்த விபத்தில் ஸ்கூட்டி வாகனம் முற்றிலுமாகச் சேதமடைந்துள்ளது. சமூக வலைத்தளங்களில் வைரலாகி வரும் வீடியோ ஒன்றில், விபத்துக்குள்ளான அந்த ஆசிரியை வலியோடு சாலையோரம் அமர்ந்து போனில் பேசிக் கொண்டிருக்கும் காட்சிகள் வெளியாகியுள்ளன.

மறுபுறம், இந்தச் சம்பவத்தின் தீவிரத்தை உணராமல் இணையவாசிகள் பலர் இதை மிகவும் நகைச்சுவையாக எடுத்துக்கொண்டு கமெண்ட் செய்து வருகின்றனர். “புல்டோசரை விட ஆக்டிவா (Activa) வண்டிதான் ஆபத்தானது போல!”, “அவ்வளவு பெரிய யானை கண்ணுக்குத் தெரியவில்லையா, பாவம் அதன் பல்லை உடைத்துவிட்டாரே”, மற்றும் “யானையின் தப்புதான், இன்று பார்த்துச் சாலையைக் கடந்திருக்கக் கூடாது” என்பது போன்ற பல வினோதமான கமெண்ட்டுகள் மூலம் இந்தச் சம்பவம் சமூக வலைத்தளங்களில் பெரும் பேசுபொருளாக மாறியுள்ளது.