ரஜினி , கமலை சந்தித்து வாழ்த்து பெற்ற ரோபோ ஷங்கர் குடும்பம்… என்ன விசேஷம் தெரியுமா..?

காமெடி, மெமிக்ரி என தனது திறமையால் பிரபலமான நடிகர் ரோபோ சங்கர் சமீபத்தில் அவரது புகைப்படம் ஒன்றை வெளியிட்டார். அதில் அவர் மிகவும் மெலிந்து காணப்பட்டார்.

அதனை பார்த்த அவரது ரசிகர்கள் அதிர்ச்சி அடைந்தனர். மேலும் அவர் உடல்நல குறைவால் இப்படி மெலிந்திருக்க கூடும் என்று ரசிகர்கள் அனைவரும் கவலைபட்டனர்.

அதற்கு அவரது குடும்பத்தினர் அவர் நலமாக இருக்கிறார். படத்திற்காக உடல் எடை குறைத்தார் என்று பதிலளித்திருந்தனர். இருப்பினும் சமீபத்தில் அவரது மனைவி வெளியிட்ட போட்டோ மற்றும் வீடியோகளில் கலை இழந்து காணப்பட்டதால் அவர் உடல்நலம் சரில்லாமல் இருப்பது போல் சந்தேகத்தையே எழுப்பியது.

இந்நிலையில், அவர் வெளிநாட்டில் ஷூட்டிங் சென்றிருந்த பொது அவருக்கு வயிற்று போக்கு ஏற்பட்டது. அப்போது அவர் மருத்துவமனை சென்று பரிசோதித்ததில் தான் அவருக்கு ஆறு மாத காலமாக மஞ்சள் காமாலை இருந்ததாக தெரியவந்தது.

இது தெரிவதற்கு முன்பே அவர் அசைவம் உண்பது மற்றும் மது அருந்துவது போன்றவற்றை கைவிட்டுள்ளார். இதுவே அவர் தற்பொழுது விரைவில் குணமடைய உதவியுள்ளது.

தற்பொழுது சிகிச்சை பெற்று வரும் நடிகர் ரோபோ ஷங்கர் மெல்ல மெல்லமாக குணமடைந்து வருகிறார். சோசியல் மீடியாவில் எப்பொழுதும் ஆக்டிவாக இருக்க கூடியவர் நடிகர் ரோபோ ஷங்கரின் மகள் இந்திரஜா.

இவர் தற்பொழுது தனது அம்மா , அப்பாவின் திருமண நாளை முன்னிட்டு ரஜினி மற்றும் கமலை சந்தித்து ஆசீர்வாதம் பெற்று குடும்பத்தோடு எடுத்துக் கொண்ட புகைப்படங்களை இணையத்தில் பகிர்ந்துள்ளார். இப்புகைப்படங்களை பார்த்த ரசிகர்களும் அவருக்கு வாழ்த்துக்களை கூறி வருகின்றனர்.