அருணின் கதை, ஒரு எளிய மனிதனின் தூய சிரிப்பு எப்படி உலகையே வெல்லும் என்பதற்கு மிகச்சிறந்த உதாரணம். தெலுங்கானாவைச் சேர்ந்த அருண், ஒரு லாரி கிளீனராகத் தன் வாழ்க்கையைத் தொடங்கி, வறுமையின் பிடியில் சிக்கித் தவித்தவர் . ஒருமுறை டிரைவர் நேரு சொன்ன ஜோக்கிற்கு அவர் எதார்த்தமாகச் சிரித்த அந்த ஒரு தருணத்தை, நேரு வீடியோவாகப் பதிவிட, அது இன்று சமூக வலைதளங்களில் பலரது முகத்திலும் புன்னகையை வரவழைத்துக் கொண்டிருக்கிறது.
இந்த வெற்றியில் டிரைவர் நேருவின் பங்கு ஒரு சகோதரனைத் தாண்டியது. வெறும் 4-ஆம் வகுப்பு வரை மட்டுமே படித்திருந்த அருணை, விடாப்பிடியாகத் தூண்டி மீண்டும் படிக்க வைத்து இன்று 10-ஆம் வகுப்புத் தேர்வில் தேர்ச்சி பெற வைத்திருக்கிறார் . “நேரு அண்ணா எனக்குக் கடவுள் மாதிரி” என்று அருண் உருக்கமாகக் கூறுவது, சரியான மனிதர்களின் துணை இருந்தால் ஒருவரின் தலையெழுத்தையே மாற்றிவிட முடியும் என்பதற்குச் சாட்சி. தற்போது அருண் வெறும் வைரல் சிறுவன் மட்டுமல்ல, ஒரு லட்சியவாதியாகவும் உருவெடுத்துள்ளார். வறுமையின் வலியை உணர்ந்த அவர், எதிர்காலத்தில் நல்ல வேலைக்குச் சென்று தன்னைப்போலவே கஷ்டப்படும் குழந்தைகளுக்கு உதவ வேண்டும் என்ற உயரிய எண்ணத்தைக் கொண்டுள்ளார் . நம்மைச் சுற்றிப் பொறாமைப்படுபவர்கள் மத்தியில், நேரு போன்ற நல்ல உள்ளங்கள் இருந்தால் எந்த நொடியிலும் நம் வாழ்க்கை வசந்தமாகும் என்பதே அருண் நமக்கு உணர்த்தும் பாடம்.