திமுகவில் இணைந்த ஓபிஎஸ்… “எல்லாத்துக்கும் காரணம் ஒரே ஆள் தான்”… புதிய குண்டை தூக்கி போட்ட சசிகலா….!

வி.கே. சசிகலா அவர்கள், முன்னாள் முதல்வர் ஓ. பன்னீர்செல்வம் திமுகவில் இணைந்தததை  குறித்து தனது கருத்துக்களைத் தெரிவித்துள்ளார். இது குறித்துப் பேசிய அவர், அதிமுக மூத்த முன்னோடியும் சட்டமன்ற உறுப்பினறுமான ஓ.பன்னீர்செல்வத்தின் இந்த முடிவு மிகவும் துரதிஷ்டவசமானது. தமிழ் தமிழகத்தில் இருந்து அகற்றப்பட வேண்டிய ஒரு தீய சக்தியாக திமுக விளங்குகின்ற நிலையில் தாய் கழகம் என்று நினைத்துக் கொண்டு திமுகவில் தங்களை இணைத்துக் கொள்வது தவறான முடிவாக தான் அமைந்துள்ளது. அதிமுகவின் தொண்டர்கள் மற்றும் உண்மையான விசுவாசிகள் ஒருபோதும் மாற்றுக்கட்சிக்குச் செல்ல மாட்டார்கள் என்றும், குறிப்பாக ஜெயலலிதாவால் அடையாளம் காட்டப்பட்டவர்கள் இத்தகைய முடிவை எடுக்க மாட்டார்கள் என்றும் நம்பிக்கை தெரிவித்தார். ஆனால் இந்த நிலைமைக்கெல்லாம் காரணம் ஒன்றே ஒன்று தான், அவர் வேறு யாரும் இல்லை தான் மட்டும் தான்.

மேலும், கட்சியின் ஒற்றுமையே தற்போதைய தேவை என்றும், பிரிந்து கிடப்பவர்கள் மீண்டும் ஒன்றிணைய வேண்டும் என்பதே தனது விருப்பம் என்றும் சசிகலா வலியுறுத்தினார். தனிப்பட்ட முடிவுகள் கட்சியின் எதிர்காலத்தைப் பாதிக்கக் கூடாது என்றும், அதிமுகவை மீட்கும் முயற்சியில் தொண்டர்கள் உறுதியாக இருக்க வேண்டும் என்றும் அவர் கேட்டுக்கொண்டார். ஓபிஎஸ்-ன் அரசியல் மாற்றம் குறித்த யூகங்களுக்கு மத்தியில், சசிகலாவின் இந்தத் தெளிவான நிலைப்பாடு, அதிமுகவின் உட்கட்சி அரசியலில் மீண்டும் ஒரு விவாதப் பொருளாக மாறியுள்ளது. இது வரும் காலங்களில் தென் மாவட்ட அரசியலில் எத்தகைய மாற்றங்களைக் கொண்டு வரும் என்பது எதிர்பார்ப்பை ஏற்படுத்தியுள்ளது.