“திடீர் திருப்பம்!… விஜய்யை ஆதரிக்கத் தயார்… ஆனா ஒரு கண்டிஷன்… காங்கிரஸ் போட்ட ‘கறார்’ நிபந்தனையால் ஆடிப்போன அரசியல் களம்”…!!!

தமிழகச் சட்டமன்றத் தேர்தல் முடிவுகள் ஒரு தொங்கு சட்டசபையை உருவாக்கியுள்ள நிலையில், ஆட்சியைப் பிடிக்கத் தேவையான 10 இடங்களுக்காகத் தமிழக வெற்றிக் கழகத் தலைவர் விஜய் தீவிர ஆலோசனையில் ஈடுபட்டுள்ளார். 108 இடங்களுடன் தனிப்பெரும் கட்சியாக உருவெடுத்துள்ள த.வெ.க-விற்கு, தமிழக காங்கிரஸ் கமிட்டி தற்போது நிபந்தனையுடன் கூடிய ஆதரவை வழங்க முன்வந்துள்ளது. செவ்வாய்க்கிழமை நடைபெற்ற காங்கிரஸ் கட்சியின் அவசர ஆன்லைன் கூட்டத்திற்குப் பிறகு, அகில இந்தியத் தலைமை மற்றும் மாநிலத் தலைமையின் ஒப்புதலுடன் இந்த முக்கிய முடிவு அறிவிக்கப்பட்டுள்ளது.

காங்கிரஸ் கட்சி விதித்துள்ள இந்த ஆதரவு நிபந்தனை அரசியல் வட்டாரத்தில் பெரும் விவாதத்தை ஏற்படுத்தியுள்ளது. தமிழகத்தில் ஒரு மதச்சார்பற்ற அரசு அமைய வேண்டும் என்பதில் உறுதியாக உள்ள காங்கிரஸ், விஜய் தலைமையிலான த.வெ.க அரசு எந்தவொரு சூழலிலும் பாரதிய ஜனதா கட்சியின் ஆதரவையோ அல்லது அதன் கூட்டணிக் கட்சிகளின் தயவையோ பெறக்கூடாது என்று கறாராகத் தெரிவித்துள்ளது. குறிப்பாக, தமிழகத்தில் வெற்றி பெற்றுள்ள ஒரே ஒரு பா.ஜ.க சட்டமன்ற உறுப்பினரின் ஆதரவைக் கூட விஜய் கோரக்கூடாது என்பதை காங்கிரஸ் தனது பிரதான நிபந்தனையாக முன்வைத்துள்ளது.

இந்த நிபந்தனையை ஏற்பது குறித்து த.வெ.க தலைமை தீவிரமாகப் பரிசீலித்து வருகிறது. ஏற்கனவே பா.ஜ.க-வின் ஆதரவை நாடவில்லை என்று த.வெ.க விளக்கம் அளித்திருந்தாலும், காங்கிரஸின் 8 எம்.எல்.ஏ-க்களின் ஆதரவு கிடைத்தால் விஜய்யின் பலம் 116 ஆக உயரும். பெரும்பான்மைக்கு இன்னும் இரண்டு இடங்களே தேவைப்படும் என்ற நிலையில், காங்கிரஸின் இந்தத் திடீர் ஆதரவு கரத்தால் தமிழகத்தில் முதல்முறையாகக் கூட்டணி ஆட்சி அமைவதற்கான வாய்ப்புகள் பிரகாசமாகியுள்ளன.