ஒருவேளை தவறியிருந்தால்?.. முதல் மாடியில் இருந்து சிறுமியை குதிக்கச் சொன்ன நபர்… லைக்குகளுக்காக ஒரு பிஞ்சு உயிர் பணயமா?.. இணையத்தை கொதிக்க வைத்த பகீர் வீடியோ…!!!

சமூக ஊடகங்களில் பார்வைகளைப் பெறுவதற்காகக் குழந்தைகளின் உயிரைப் பணயம் வைத்து எடுக்கப்படும் ஆபத்தான காணொளிகள் அதிகரித்து வருவது தற்பொழுது பெரும் விவாதத்தை ஏற்படுத்தியுள்ளது. சமீபத்தில் வைரலான ஒரு காணொளியில், முதல் மாடி பால்கனியின் சுற்றுச்சுவரில் நின்றிருந்த சிறுமியை, கீழே மெத்தை விரித்து நின்றிருந்த நபர் ஒருவர் குதிக்குமாறு தொடர்ந்து ஊக்குவிக்கிறார்; அந்தச் சிறுமி தயக்கத்துடன் கீழே குதித்ததும் அவர் பிடித்துக் கொள்கிறார். அதிர்ஷ்டவசமாக இதில் யாருக்கும் காயம் ஏற்படவில்லை என்றாலும், ஒரு சிறிய தவறு நடந்திருந்தால் கூட அது உயிர்ச்சேதத்தில் முடிந்திருக்கும் என இணையவாசிகள் தங்கள் கண்டனங்களைப் பதிவு செய்து வருகின்றனர்.

லைக்குகளுக்காகவும், பின்தொடர்பவர்களை (Followers) அதிகரிப்பதற்காகவும் இதுபோன்ற பொறுப்பற்ற செயல்களில் ஈடுபடும் நபர்கள் மீது கடும் நடவடிக்கை எடுக்க வேண்டும் என்ற கோரிக்கை வலுத்துள்ளது. இதுபோன்ற சாகசங்கள் குழந்தைகளிடையே ஆபத்தான சவால்களை இயல்பான ஒன்றாக மாற்றிவிடும் என்றும், ஒருவேளை பெரியவர்கள் இல்லாத நேரத்தில் குழந்தைகள் இதை முயற்சித்தால் விளைவுகள் விபரீதமாகிவிடும் என்றும் சமூக ஆர்வலர்கள் எச்சரிக்கின்றனர். வைரல் கலாச்சாரத்தின் மோகத்தால் பாதுகாப்பு வரம்புகளை மீறுவது ஒருபோதும் ஆரோக்கியமானதல்ல என்பதே பலரின் கருத்தாக உள்ளது.