கரூரில் தொடங்கிய புயல்…திமுகவின் ‘அழுக்கு மூட்டை’களை அவிழ்க்கும் தவெக?… கொஞ்சம் “அடக்கி வாசியுங்கள்”… திமுக ஐடி விங்குக்கு தவெக விடுத்த மரண மாஸ் எச்சரிக்கை…!

கரூரில் கடந்த ஜூலை 10ஆம் தேதி நடைபெற்ற மக்கள் சந்திப்பு நிகழ்ச்சியில் தமிழக முதலமைச்சர் ஜோசப் விஜய், திமுக தலைவர் மு.க.ஸ்டாலின் மற்றும் அமைச்சர்கள் எ.வ.வேலு, செந்தில் பாலாஜி ஆகியோரை கடுமையாக விமர்சித்துப் பேசினார். முதலமைச்சரின் இந்த விமர்சனத்திற்கு திமுக தரப்பில் இருந்து பலத்த எதிர்ப்புகள் கிளம்பின. குறிப்பாக, திமுக ஐடி விங் வெளியிட்ட பதிவில், விஜய் ஒரு “மூன்றாந்தர வீதிப் பேச்சாளரைப் போல” தரம் தாழ்ந்து பேசுவதை நிறுத்திக்கொள்ள வேண்டும் என்றும், அவருக்கு “நாவடக்கம்” தேவை என்றும் காட்டமாக எச்சரித்திருந்தது.

திமுகவின் இந்த விமர்சனத்திற்குத் தமிழக வெற்றிக் கழகத்தின் (தவெக) ஐடி விங் தற்போது மிகக் கடுமையான பதிலடியைக் கொடுத்துள்ளது. நாகரிகம் குறித்து திமுக வகுப்பெடுப்பது அருவருப்பானது என்று சாடியுள்ள தவெக ஐடி விங், முன்னாள் முதல்வர் ஜெயலலிதா குறித்து திமுகவினர் மேடைகளில் பேசிய கொச்சையான பேச்சுகளையும், சொந்தக் கட்சி பெண் வேட்பாளரையே தரம் தாழ்த்திப் பேசியதையும் சுட்டிக்காட்டியுள்ளது. மேலும், அரசியல் ரீதியாக எதிர்க்கத் திராணி இல்லாமல் தரம்தாழ்ந்து பேசும் திமுகவிற்கு நாகரிகம் பற்றிப் பேச எந்தத் தகுதியும் இல்லை என்றும் தவெக தரப்பில் சாடப்பட்டுள்ளது.

இறுதியாக, திமுகவின் “அழுக்கு நிறைந்த வரலாற்றை” தோண்டித் துருவி அம்பலப்படுத்த ஆரம்பித்தால், இன்றைய இளைஞர்களும் வருங்கால தலைமுறையினரும் அருவருப்படைந்து திமுகவை அறவே தூக்கி எறிவார்கள் என்று தவெக ஐடி விங் எச்சரித்துள்ளது. “அடக்கி வாசியுங்கள், இல்லையேல் மக்கள் உங்களை அடக்குவார்கள்” என்ற தவெக-வின் இந்த காட்டமான எச்சரிக்கை அறிக்கை, தற்போது இரு கட்சித் தொண்டர்களிடையே சமூக வலைத்தளங்களில் ஒரு பெரிய போரையே உருவாக்கியுள்ளதுடன், தமிழக அரசியலில் பெரும் பரபரப்பையும் ஏற்படுத்தியுள்ளது.