உன் புருஷன் செத்துட்டான்ல… என்னை கல்யாணம் பண்ணிக்கோ… கொழுந்தியாளை வற்புறுத்திய நபர்… மறுத்ததால் அடுத்து நடந்த பயங்கரம்…!!

ராஜஸ்தான் மாநிலம் ஜெய்ப்பூரில் உள்ள சாஸ்திரி நகர் பகுதியில், மைத்துனர் ஒருவரே தனது மைத்துனியைப் பலமுறை கத்தியால் குத்திக் கொடூரமாகக் கொலை செய்த சம்பவம் அதிர்ச்சியை ஏற்படுத்தியுள்ளது. உயிரிழந்த பூனம் (35) என்பவரின் கணவர் 5 ஆண்டுகளுக்கு முன்பே இறந்துவிட்ட நிலையில், அவர் தனது இரண்டு மகன்களுடன் மாமியார் வீட்டில் வசித்து வந்தார். அக்கம் பக்கத்து வீடுகளில் வேலை செய்து தனது குடும்பத்தைக் காப்பாற்றி வந்த பூனம், ஜனவரி 22, 2026 அன்று இரவு வேலையை முடித்துவிட்டு வீடு திரும்பிக் கொண்டிருந்தபோது இந்தத் துயரம் நிகழ்ந்துள்ளது.

வீட்டிற்கு அருகிலுள்ள சிவன் கோவில் அருகே பூனத்திற்கும், அவரது மாமாவின் மகனான அனிலுக்கும் இடையே திடீரென வாக்குவாதம் ஏற்பட்டுள்ளது. ஆத்திரமடைந்த அனில், தான் மறைத்து வைத்திருந்த கத்தியால் பூனத்தை 5-6 முறை சரமாரியாகக் குத்தியுள்ளார். இதில் பலத்த காயமடைந்து ரத்த வெள்ளத்தில் சரிந்த பூனம், மருத்துவமனைக்குக் கொண்டு செல்லும் வழியிலேயே உயிரிழந்தார். இச்சம்பவம் குறித்து வழக்குப் பதிவு செய்துள்ள சாஸ்திரி நகர் போலீசார், தலைமறைவாக இருந்த அனிலைக் கைது செய்து விசாரித்ததில், தனது விதவை மைத்துனி பூனத்தை திருமணம் செய்து கொள்ள விரும்பினார் என்பது தெரியவந்துள்ளதாக போலீசார் தெரிவிக்கின்றனர். இது தொடர்பாக இருவரும் பல நாட்களாக வாக்குவாதம் செய்து வந்தனர். பூனம் பலமுறை மறுத்தும், அனில் அதை ஏற்றுக்கொள்ளவில்லை, இறுதியாக, அவர் திட்டமிட்டு அந்தப் பெண்ணை சாலையில் கொலை செய்தார்.