என்ன நடக்குது இங்க?… கர்பா விழாவில் நடந்த பயங்கர மோதல்… பெண்ணை அடித்த நபர்… கொந்தளித்துத் தெருவில் இறங்கிய இந்து அமைப்புகள்… இணையத்தில் வைரலாகும் வீடியோ…!

மகாராஷ்டிராவில் உள்ள நாலா சோபாரா பகுதியில் நடைபெற்ற கர்பா நிகழ்ச்சியின் போது, பெண் ஒருவரை நபர் ஒருவர் தாக்கும் வீடியோ சமூக வலைதளங்களில் காட்டுத் தீயாகப் பரவி பெரும் அதிர்ச்சியை ஏற்படுத்தியுள்ளது. அந்த நபர் பெண்களிடம் அத்துமீறி நடந்து கொண்டதாக எழுந்த புகாரைத் தொடர்ந்து இந்தச் சம்பவம் அரங்கேறியுள்ளது.

இந்தக் கொடூரச் செயலால் ஆத்திரமடைந்த உள்ளூர் இந்து அமைப்புகளைச் சேர்ந்தவர்கள் மற்றும் பொதுமக்கள் உடனடியாகத் திரண்டு போராட்டத்தில் குதித்தனர். கர்பா பந்தலில் பெண்களின் பாதுகாப்பைக் கேள்விக்குள்ளாக்கிய இந்தச் சம்பவத்திற்கு எதிராகக் கடுமையான கண்டனங்கள் எழுந்துள்ளன.

சம்பவ இடத்திற்கு விரைந்த காவல்துறையினர் நிலைமையைக் கட்டுக்குள் கொண்டுவந்ததுடன், வீடியோவின் அடிப்படையில் தீவிர விசாரணை நடத்தி வருகின்றனர். பெண்களின் பாதுகாப்பை உறுதி செய்யக் கோரி இந்து அமைப்புகள் தொடர்ந்து வலியுறுத்தி வருவதால் அப்பகுதியில் கூடுதல் போலீஸார் குவிக்கப்பட்டுள்ளனர்.