பரபரப்பு..! விஜய்யை வேண்டுமென்றே தள்ளிவிட்ட ப்ளூ சட்டை…? இணையத்தில் கொந்தளித்த ரசிகர்கள்…!!

மலேசியாவில் நடைபெற்ற தனது ‘ஜனநாயகம்’ திரைப்படத்தின் இசை வெளியீட்டு விழாவை முடித்துவிட்டு, சென்னை திரும்பிய தமிழக வெற்றிக் கழகத் தலைவர் விஜய், விமான நிலைய வெளியேற்பு வாயிலில் ரசிகர்களின் பெரும் கூட்டத்திற்கு மத்தியில் சிக்கித் தடுமாறி கீழே விழுந்தார். நேற்று இரவு நடைபெற்ற இந்தச் சம்பவம் தொடர்பான வீடியோக்கள் சமூக வலைதளங்களில் வைரலாகி வருகின்றன. குறிப்பாக, நீல நிறச் சட்டை அணிந்த நபர் ஒருவர் விஜய்யைப் பின்னால் இருந்து வேண்டுமென்றே தள்ளிவிட்டது போலத் தெரிவதாக அவரது ரசிகர்கள் இணையத்தில் பதிவிட்டு கடும் கண்டனம் தெரிவித்து வருகின்றனர்.

முன்னதாக, விஜய்க்குப் போதுமான காவல்துறை பாதுகாப்பு வழங்கப்படவில்லை என்று தவெக தொண்டர்கள் தொடர்ந்து குற்றம்சாட்டி வருகின்றனர். கடந்த செப்டம்பர் மாதம் கரூரில் நடைபெற்ற பொதுக்கூட்டத்தின் போது ஏற்பட்ட கூட்ட நெரிசலில் 41 பேர் உயிரிழந்த துயர சம்பவத்தைத் தொடர்ந்து, விஜய்யின் பாதுகாப்பு குறித்துப் பலமுறை மனுக்கள் அளிக்கப்பட்டும் உரிய நடவடிக்கைகள் எடுக்கப்படவில்லை என அவர்கள் அதிருப்தி தெரிவித்துள்ளனர். இச்சம்பவத்தால் ஆத்திரமடைந்த ரசிகர்கள், மக்கள் நடமாட்டம் மிகுந்த பொது இடங்களில் தங்கள் தலைவரின் பாதுகாப்பை உறுதி செய்ய வேண்டும் என வலியுறுத்தி வருகின்றனர்.