சமூக வலைத்தளங்களில் வைரலாகி வரும் ஒரு நெகிழ்ச்சியான வீடியோ, தாய் மற்றும் குழந்தையின் இடையேயான பிரிக்க முடியாத பாசப் பிணைப்பை அழகாக உணர்த்துகிறது. அந்த வீடியோவில், ஒரு சிறு குழந்தை தன் தாயின் கையில் இருக்கும் காயத்தைக் கண்டு, தாயின் வலியைத் தன் வலியாக எண்ணி தேம்பித் தேம்பி அழுகிறது. “இங்குதான் அடிபட்டதா?” என்று மழலை மாறாத குரலில் பதற்றத்தோடு கேட்கும் அந்தக் குழந்தையின் கண்ணீர், தாயின் மீதான அவனது எல்லையற்ற அன்பை வெளிப்படுத்துகிறது. தன் காயத்தை விடவும், தன் சிறு பிள்ளையின் இந்த அக்கறையும் கண்ணீரும் அந்தத் தாயின் இதயத்தை உருகச் செய்துள்ளது.
https://www.instagram.com/p/DXwsM37TfjA/?utm_source=ig_embed&utm_campaign=embed_video_watch_again
இன்ஸ்டாகிராமில் (@kiaanshjain_) பகிரப்பட்ட இந்த வீடியோவை லட்சக்கணக்கான மக்கள் நெகிழ்ச்சியோடு பார்த்து பகிர்ந்து வருகின்றனர். “வலி எனக்குத்தான், ஆனால் கண்ணீர் அவன் கண்களில்” என்று அந்த வீடியோவில் குறிப்பிடப்பட்டுள்ள வரிகள், பார்ப்பவர்களின் கண்களைக் குளமாக்குகின்றன. உலகிலேயே மிகவும் புனிதமான மற்றும் உண்மையான உறவு அம்மாவின் உறவுதான் என்பதை இந்தத் தருணம் மீண்டும் நிரூபித்துள்ளது. இந்த வீடியோவைப் பார்த்த பலரும் குழந்தையின் மென்மையான குணத்தைப் பாராட்டுவதோடு, இது தங்களின் சொந்தக் குழந்தைப் பருவ நினைவுகளையோ அல்லது தங்கள் பிள்ளைகளின் பாசத்தையோ நினைவூட்டுவதாக உணர்வுப்பூர்வமாகக் கமெண்ட் செய்து வருகின்றனர்.