அவன் கூட பேசுறியா…? “காதல் மனைவியின் கழுத்தை அறுத்த கணவன்…” திருமணமான 4 மாதத்தில் நடந்த கொடூரம்…. பரபரப்பு பின்னணி…!!

செங்கல்பட்டு மாவட்டம், மதுராந்தகத்தை அடுத்த சிலாவட்டம் பகுதியைச் சேர்ந்த சரண் (20) மற்றும் மதுமிதா ஆகிய இருவரும் இரண்டு ஆண்டுகள் காதலித்து, 4 மாதங்களுக்கு முன் திருமணம் செய்துகொண்டனர். திருமணத்திற்குப் பிறகும் மதுமிதா தனது ஆண் நண்பருடன் கைப்பேசியில் தொடர்ந்து பேசி வந்துள்ளார். இதனை  சரண் பலமுறை எச்சரித்தும் அவர் நிறுத்தாததால், ஆத்திரமடைந்த சரண், நேற்று மாலை செனைனேரி மலைப்பகுதிக்கு மதுமிதாவை அழைத்துச் சென்றுள்ளார்.

அங்குக் கொலை செய்யும் திட்டத்துடன் மறைத்து வைத்திருந்த கத்தியை எடுத்துச் சென்ற சரண், வாக்குவாதத்தின் போது மதுமிதாவின் கழுத்தை அறுத்துக் கொலை செய்தார். அதன் பின்னர் வீட்டுக்குத் தப்பிச் சென்ற சரண், தனது தாயாரிடம் நடந்ததைக் கூறியுள்ளார். அதிர்ச்சி அடைந்த அவரது தாயார் காவல் நிலையத்திற்குத் தகவல் அளித்தார். சம்பவ இடத்திற்கு விரைந்த போலீசார், மதுமிதாவின் உடலை மீட்டுப் பிரேதப் பரிசோதனைக்காகச் செங்கல்பட்டு அரசு மருத்துவமனைக்கு அனுப்பி வைத்தனர்.

மதுராந்தகம் போலீசார் சரணைக் கைது செய்து விசாரித்து வருகின்றனர். கைது செய்யப்பட்ட சரண் மீது ஏற்கெனவே கஞ்சா வழக்குகள் உட்பட பல வழக்குகள் நிலுவையில் இருப்பது குறிப்பிடத்தக்கது. திருமணமான நான்கே மாதத்தில் மனைவியைக் கொடூரமாகக் கொலை செய்த இந்தச் சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது