பதைபதைக்க வைக்கும் வீடியோ… கண்முன்னே சிலிண்டர் வெடித்து பற்றியெரிந்த வீடு… 3 பேர் உடல் கருகி பலி..!!

உத்தரப்பிரதேச மாநிலம் முசாபர்நகரின் வசுந்தரா ரெசிடென்சியில் உள்ள ஒரு வீட்டில், இன்று  மாலை சமையல் எரிவாயு சிலிண்டர் பயங்கர சத்தத்துடன் வெடித்துச் சிதறியது. இந்த விபத்தில் ஒரே குடும்பத்தைச் சேர்ந்த கனுங்கோ அமித் கவுர் (40), அவரது சகோதரர் நிதின் கவுர் (45) மற்றும் அவர்களது தாயார் சுஷிலா (65) ஆகிய மூவரும் வீட்டிற்குள்ளேயே சிக்கி உடல் கருகி உயிரிழந்தனர். வீட்டில் ஏற்பட்ட தீயையும் புகையையும் கண்டு அவர்களைக் காப்பாற்ற ஓடிவந்த பக்கத்து வீட்டுக்காரர் ஆதித்யா ராணா, பலத்த தீக்காயங்களுடன் மருத்துவமனையில் அனுமதிக்கப்பட்டு தீவிர சிகிச்சை பெற்று வருகிறார்.