தமிழ்நாடு சட்டப்பேரவை நடவடிக்கைகள் முழுமையாக நேரலை செய்யப்பட்டு வரும் சூழலில், பேரவை நிகழ்வுகள் சுவாரசியமாகவும் காரசாரமாகவும் நகர்ந்து வருகின்றன. சபாநாயகர் ஜே.சி.டி. பிரபாகர் அவையைத் திறம்பட வழிநடத்தி வருகிறார் என்ற ஒருதரப்பு கருத்து நிலவினாலும், அவரது நடுநிலையான மற்றும் கட்டுப்பாடான செயல்பாடுகள் ஆளுங்கட்சியான த.வெ.க. உறுப்பினர்களிடையே சில அதிருப்திகளை ஏற்படுத்தியுள்ளதாகத் தகவல்கள் தெரிவிக்கின்றன.
பொறுப்பேற்றது முதலே சபாநாயகர் கவனமாக செயல்பட்டு வருகிறார். ஆளுங்கட்சி மற்றும் எதிர்க்கட்சிகள் என இரு தரப்பிற்கும் சமமான வாய்ப்புகளை வழங்கி பேரவையை அமைதியாக கொண்டு செல்ல முயலும் அவர், தேவைப்படும் இடங்களில் அதிரடி முடிவுகளையும் மேற்கொள்கிறார். குறிப்பாக, அமைச்சர்களின் உரைகளின் போது குறுக்கிடுவது, நீண்ட நேரம் பேசுவதைக் கட்டுப்படுத்துவது மற்றும் ஆதாரமில்லாத குற்றச்சாட்டுகளை அவை குறிப்பிலிருந்து நீக்குவது போன்ற நடவடிக்கைகள் ஆளுங்கட்சியினரை சங்கடத்திற்குள்ளாக்கியுள்ளன.
எதிர்க்கட்சிகளின் விமர்சனங்களுக்குப் பதிலளிக்கும் வகையில் த.வெ.க. அமைச்சர்கள் கடந்த கால திமுக ஆட்சியின் சம்பவங்களைக் சுட்டிக்காட்டி பேச முயலும்போது, சபாநாயகர் குறுக்கிட்டு சுருக்கமாகப் பேசுமாறு அறிவுறுத்துகிறார். கருத்துகளை அவை குறிப்பிலிருந்து நீக்குவதாலும், நேரக் கட்டுப்பாட்டைக் கடுமையாகப் பின்பற்றுவதாலும் அமைச்சர்கள் ஆதவ் அர்ஜுனா, நிர்மல் குமார் போன்றோர் அதிருப்தியடைந்துள்ளதாகக் கூறப்படுகிறது. இதனால் எதிர்க்கட்சிகளை முழுமையாக அம்பலப்படுத்த முடியாமல் போவதாக அவர்கள் கருதுவதாகவும் பேசப்படுகிறது.
இதன் விளைவாக, சபாநாயகர் ஜே.சி.டி. பிரபாகரை மாற்ற வேண்டும் என்ற குரல்கள் த.வெ.க.வின் உள்வட்டாரங்களிலும் சமூக வலைதளங்களிலும் ஒலிக்கத் தொடங்கியுள்ளன. “ஆளுங்கட்சிக்கு உரிய சலுகைகளை மறுக்கக் கூடாது; சபாநாயகர் எதிர்க்கட்சிகளுக்குச் சாதகமாகச் செயல்படுவது போல் தெரிகிறது” என ஒரு சாரார் குற்றம் சாட்டுகின்றனர்.
அதேவேளையில், அனுபவம் குறைந்த உறுப்பினர்களைக் கட்டுக்கோப்பாக வழிநடத்த சபாநாயகரின் இந்த கண்டிப்பான அணுகுமுறை மிகவும் அவசியம் என்று மற்றொரு தரப்பினர் ஆதரவு தெரிவித்து வருகின்றனர். பேரவையை நடுநிலையோடு நடத்துவது அரசின் நற்பெயருக்கே உதவும் என்றும் அவர்கள் சுட்டிக்காட்டுகின்றனர்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…