திமுக – காங்கிரஸ் கூட்டணி உறுதி… வதந்திகளுக்கு முற்றுப்புள்ளி வைத்த செல்வப்பெருந்தகை..!!

திமுக – காங்கிரஸ் கூட்டணி இடையே தொகுதிப் பங்கீடு குறித்த விவாதங்கள் எழுந்துள்ள நிலையில், தமிழ்நாடு காங்கிரஸ் கமிட்டித் தலைவர் செல்வப்பெருந்தகை கூட்டணியின் நிலைத்தன்மை குறித்து உறுதிபடத் தெரிவித்துள்ளார். ஜனவரி 28 அன்று டெல்லியில் காங்கிரஸ் தலைவர் ராகுல் காந்தியை திமுக எம்.பி கனிமொழி நேரில் சந்தித்துப் பேசினார். இந்தச் சந்திப்பு மிகவும் நேர்மறையாக அமைந்ததாகவும், இதன் மூலம் கூட்டணி குறித்த வதந்திகளுக்கு முற்றுப்புள்ளி வைக்கப்பட்டுள்ளதாகவும் செல்வப்பெருந்தகை குறிப்பிட்டுள்ளார். அடுத்த ஒரு வாரத்திற்குள் திமுகவுடன் முறையான தொகுதிப் பங்கீடு பேச்சுவார்த்தைகள் தொடங்கும் என்றும் அவர் நம்பிக்கை தெரிவித்துள்ளார்.