புதுச்சேரி மாநிலம் வில்லியனூர் அருகே கள்ளக்காதல் மற்றும் பணத்தகராறு காரணமாகப் பெண் ஒருவர் படுகொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது. வில்லியனூர் பகுதியைச் சேர்ந்த தமிழ்செல்வி (40), தனது கணவரிடமிருந்து விவாகரத்து பெற்று மகளுடன் வசித்து வந்தார். இவருக்கும், அய்யப்பன் (40) என்பவருக்கும் இடையே பழக்கம் ஏற்பட்டு, அது கள்ளக்காதலாக மாறியுள்ளது. நாளடைவில் இருவருக்கும் இடையே பண விவகாரத்தில் அடிக்கடி தகராறு ஏற்பட்டு வந்ததாகக் கூறப்படுகிறது.
சம்பவத்தன்று ஏற்பட்ட மோதலில் ஆத்திரமடைந்த அய்யப்பன், தமிழ்செல்வியைக் கழுத்தை நெரித்துக் கொலை செய்துள்ளார். பின்னர் கொலையை மறைப்பதற்காக, அவரது உடலை ஒரு சாக்கு மூட்டையில் கட்டி ஆள் நடமாட்டம் இல்லாத இடத்தில் வீசிவிட்டுத் தப்பியோடியுள்ளார்.இதுகுறித்து தகவல் அறிந்த போலீசார் தீவிர விசாரணை மேற்கொண்டு அய்யப்பனைக் கைது செய்தனர். விசாரணையில் அவர் குற்றத்தை ஒப்புக்கொண்டார்.