“அமைச்சர தூக்குங்க… இல்லனா நீங்க விலகுங்க…” இனி பொறுக்க முடியாது… எங்களுக்கு தீர்வு கிடைக்கணும்… நீட் விவகாரத்தில் வெடித்த பேரதிர்ச்சி… அலறும் மத்திய அரசு…!

மத்திய கல்வித் துறை அமைச்சர் தர்மேந்திர பிரதான் தனது பதவியை உடனடியாக ராஜினாமா செய்ய வலியுறுத்தி, டெல்லி ஜந்தர் மந்தரில் ‘சிஜெபி’ கரப்பான் பூச்சி ஜனதா அமைப்பின் நிறுவனர் அபிஜீத் திப்கே தலைமையில் தொடர் போராட்டங்கள் நடைபெற்று வருகின்றன. நீட் வினாத்தாள் கசிவு மற்றும் பல்வேறு தகுதித் தேர்வுகளில் ஏற்பட்டுள்ள குளறுபடிகளுக்கு மத்திய அரசே முழுப் பொறுப்பேற்க வேண்டும் எனப் போராட்டத்தில் ஈடுபட்ட மாணவர்கள் மற்றும் அமைப்பினர் தொடர்ந்து குரல் எழுப்பி வருகின்றனர். சமீபத்தில் நாடாளுமன்றம் நோக்கிச் சென்ற பேரணியின் போது காவல்துறையினருக்கும் போராட்டக்காரர்களுக்கும் இடையே தடியடி மற்றும் மோதல் சம்பவங்களும் அரங்கேறின.

இப்பிரச்சனை குறித்து மத்திய அமைச்சர் ஜே.பி. நட்டா, அமைப்பின் பிரதிநிதிகளுடன் பேச்சுவார்த்தை நடத்தியதோடு, நாடாளுமன்றத்தில் எதிர்க்கட்சிகள் விரும்பும் வரை விவாதம் நடத்த அரசு தயார் என்றும் அறிவித்தார். அதே வேளையில், எதிர்க்கட்சித் தலைவர் ராகுல் காந்தி தலைமையில் காங்கிரஸ் கட்சியினரும் பிரதமர் இல்லத்திற்கு வெளியே போராட்டம் நடத்தி கைதாகினர். இவ்வாறு நீட் விவகாரம் நாடு தழுவிய அளவில் மிகப்பெரிய அரசியல் புயலையும் சமூகப் கொந்தளிப்பையும் ஏற்படுத்தி வருகிறது.

இந்நிலையில் போராட்டக் களத்தில் பேசிய அபிஜீத் திப்கே, கல்வி அமைச்சரின் ராஜினாமாவை பிரதமர் மோடி உடனடியாக ஏற்றுக்கொள்ள வேண்டும் என வலியுறுத்தினார். தவறும்பட்சத்தில், இந்த போராட்டம் அமைச்சருடன் முடிந்துவிடாது என்றும், அடுத்து நேரடியாகப் பிரதமரின் ராஜினாமாவையே கோரும் நிலைக்குச் செல்லும் என்றும் எச்சரித்தார். திறமையற்ற ஒரு அமைச்சரை விட நாட்டின் கோடிக்கணக்கான மாணவர்களின் எதிர்காலமே முக்கியமானது என்றும், மாணவர்களை விட அமைச்சருக்கு முக்கியத்துவம் அளித்தால் வரும் தேர்தலில் மக்கள் தகுந்த பாடம் புகட்டுவார்கள் என்றும் அவர் காரசாரமாகத் தெரிவித்துள்ளார்.