“உன் பொண்ணை எனக்கு கட்டிக்கொடுக்க மாட்டியா..?” காதலியின் தாயை பெட்ரோல் ஊற்றி எரித்த காதலன்… பெங்களூருவை உலுக்கிய சம்பவம்…!!

பெங்களூருவில் மகளைத் திருமணம் செய்து தர மறுத்த தாயைக் காதலன் பெட்ரோல் ஊற்றி எரித்த சம்பவம் பெரும் அதிர்ச்சியை ஏற்படுத்தியுள்ளது.  பெங்களூரு பசவேஸ்வரநகர், போவி காலனியைச் சேர்ந்தவர் கீதா. இவர் தனது மகளை ஒரு இளைஞனுக்குத் திருமணம் செய்து கொடுக்க மறுத்து வந்துள்ளார்.  இதனால் ஆத்திரமடைந்த அந்த இளைஞன், கீதா மீது பெட்ரோலை ஊற்றி தீ வைத்துள்ளார். பாதிக்கப்பட்ட கீதா வலியால் அலறியபோதும், எவ்வித இரக்கமுமின்றி அந்த இளைஞன் அங்கிருந்து தப்பி ஓடிவிட்டார்.

பலத்த தீக்காயமடைந்த அந்தப் பெண், உடனடியாக மீட்கப்பட்டு பெங்களூரு விக்டோரியா மருத்துவமனையில் அனுமதிக்கப்பட்டார். தற்போது அவர் உயிருக்கு ஆபத்தான நிலையில் தீவிர சிகிச்சை பெற்று வருகிறார். இச்சம்பவம் குறித்து வழக்குப் பதிவு செய்துள்ள பசவேஸ்வரநகர் போலீசார், தப்பியோடிய அந்த இளைஞனைத் தீவிரமாகத் தேடி வருகின்றனர்.