விஜய் பவுன்சர்கள் கையில் இருக்கும் அந்த ‘மர்ம’ கருப்பு பை.. அதன் உள்ளே இருப்பது என்ன.? கசிந்த முக்கியமான ரகசியம்..!!

தமிழக வெற்றிக் கழகத்தின் தலைவரான நடிகர் விஜய், தனது தேர்தல் பரப்புரைகளின் போது பிரம்மாண்டமான பாதுகாப்பு ஏற்பாடுகளுடன் வலம் வருவது வழக்கம். குறிப்பாக, அவரது பாதுகாப்பிற்காக வரும் பவுன்சர்கள் எப்போதும் ஒரு குறிப்பிட்ட கருப்பு நிறப் பையை கையில் வைத்திருப்பது தற்போது சமூக வலைதளங்களில் பேசுபொருளாகியுள்ளது. இந்த மர்மப் பையில் என்ன இருக்கிறது? எதற்காக இது பயன்படுத்தப்படுகிறது? என்பது குறித்துப் பல்வேறு தகவல்கள் பரவி வருகின்றன.

உண்மையில், இதுபோன்ற பாதுகாப்புப் பைகள் (Ballistic Briefcases) விஐபி பாதுகாப்பிற்காகப் பயன்படுத்தப்படும் ஒரு தற்காப்புக் கருவியாகும். எதிர்பாராத விதமாக ஏதேனும் தாக்குதல் அல்லது அச்சுறுத்தல் ஏற்படும் பட்சத்தில், இந்தப் பையை ஒரு நொடியில் விரித்தால் அது ஒரு ‘புல்லட் புரூப்’ கேடயமாக (Shield) மாறிவிடும். கூட்ட நெரிசலில் யாராவது கல் எறிந்தாலோ அல்லது ஆயுதங்களால் தாக்க முயன்றாலோ, விஜய்யைச் சுற்றி ஒரு பாதுகாப்புக் கவசத்தை உருவாக்கவே பவுன்சர்கள் இதனை எப்போதும் தயாராக வைத்துள்ளனர்.

விஜய்யின் பரப்புரைகளில் லட்சக்கணக்கான மக்கள் கூடுவதால், பாதுகாப்புச் சவால்கள் அதிகம் உள்ளன. எனவே, அவரது தனிப்பட்ட பாதுகாப்புப் படையினர் நவீன தொழில்நுட்பம் கொண்ட இதுபோன்ற தற்காப்பு உபகரணங்களைப் பயன்படுத்துகின்றனர். வெறுமனே துணிப்பையாகத் தோன்றும் இது, ஆபத்துக் காலங்களில் விஜய்யைத் தலை முதல் கால் வரை பாதுகாக்கும் வலிமை கொண்டது. இதன் பின்னணித் தெரியாத பலர் இது ஏதோ பணப் பை அல்லது தனிப்பட்ட உடமைகள் அடங்கிய பை எனத் தவறாகக் கருதி வந்த நிலையில், தற்போது இதன் ‘ஷீல்ட்’ ரகசியம் இணையத்தில் வைரலாகி வருகிறது.