“எம்மாடியோ… ஜஸ்ட் மிஸ்ல தப்பிச்ச… மரணப் பள்ளத்தின் விளிம்பில் நின்ற பைக்…! கடைசி நொடியில் நடந்த அதிசயம்… நெட்டிசென்கள் ஷாக்…!!”

மேற்கு வங்க மாநிலம் டார்ஜிலிங்கின் குர்சியோங் பகுதியில் மழை பொழிந்த மலைப்பாதையில் பயணித்த இருசக்கர வாகன ஓட்டி ஒருவர், நூலிழையில் பள்ளத்தாக்கில் விழுவதிலிருந்து தப்பிய அதிர்ச்சி வீடியோ இணையத்தில் வைரலாகி வருகிறது. அர்சு என்ற சக பயணி தனது கேமராவில் பதிவு செய்த இந்த காட்சியில், ஈரமான வளைவில் செல்லும்போது பைக் கட்டுப்பாட்டை இழந்து சறுக்கி, பாதையின் பாதுகாப்பு இல்லாத ஓரம் நோக்கி நழுவிச் செல்வது பதிவாகியுள்ளது.

பைக் செங்குத்தான பள்ளத்தாக்கை நோக்கிச் சென்ற அந்த ஆபத்தான நொடியில், வாகன ஓட்டி தனது சாதுரியத்தால் பைக்கை சட்டென்று திருப்பி நிறுத்தினார். இந்த அதிர்வில் அவரது ஒரு காலணி கழன்று விழுந்தபோதிலும், கடைசி நேரத்தில் கிடைத்த இந்த மீட்பால் பெரும் அசம்பாவிதம் தவிர்க்கப்பட்டது. இதனால் அவர் எந்தவித பலத்த காயமுமின்றி அதிர்ஷ்டவசமாக உயிர் தப்பினார்.

https://www.instagram.com/reel/Da9mn0uRFAh/?utm_source=ig_web_button_share_sheet

இந்தச் சம்பவத்திற்குப் பிறகு, அதிர்ச்சியடைந்த அந்தப் பயணி சாலையோரம் அமர்ந்து தன்னைச் சமாளித்துக் கொண்டார். சக பயணி அர்சு அவருக்கு உதவி செய்து, “பாதுகாப்பான பயணம், பாதுகாப்பான வாழ்க்கை” என்ற விழிப்புணர்வுச் செய்தியுடன் இந்த வீடியோவைப் பகிர்ந்துள்ளார். மழைக்காலத்தில் வளைந்து நெளிந்து செல்லும் மலைப்பாதைகளில் வாகனம் ஓட்டும்போது மிகுந்த எச்சரிக்கையுடனும் கவனத்துடனும் இருக்க வேண்டும் என்பதை இந்தச் சம்பவம் சமூக வலைத்தள பயனர்களிடையே மீண்டும் நினைவூட்டியுள்ளது.