உங்க பணத் திமிருக்கு ஏழைங்க பலிகடாவா..? 11 பேர் மீது ஏறி நசுக்கிய 'ஆடி' கார்.... குடிபோதையில் அரங்கேறிய கொடூரம்...!!

Spread the love

ஜெய்ப்பூர் பிங்க் சிட்டி பகுதியில் உள்ள ஜர்னலிஸ்ட் காலனி அருகே கடந்த வெள்ளிக்கிழமை இரவு 9:30 மணியளவில் நிகழ்ந்த கோர விபத்து பெரும் சோகத்தை ஏற்படுத்தியுள்ளது. அப்பகுதியில் உள்ள சாலையோரக் கடைகளில் பொதுமக்கள் உணவு அருந்திக்கொண்டிருந்தபோது, அதிவேகமாக வந்த ஒரு வெள்ளை நிற ‘ஆடி’ கார், கட்டுப்பாட்டை இழந்து கடைகளுக்குள் புகுந்தது. குண்டு வெடித்தது போன்ற பயங்கர சத்தத்துடன் வந்த அந்தக் கார், சாலையோரத் தடுப்பில் மோதிய பிறகும் நிற்காமல் சுமார் 30 மீட்டர் தூரம் வரை அங்கிருந்தவர்கள் மீது மோதிச் சிதைத்தது.

#WATCH | Rajasthan | Hit-and-run incident reported in Jaipur

South Jaipur DCP Rajshree Raj Verma says, "A car ran over some stalls at Kharbas Circle. One casualty has been reported so far and as per our information, 11 are injured. As per the latest feedback, no one is critical.… pic.twitter.com/Fe7DnIxx6L

— ANI (@ANI) January 9, 2026

இந்தக் கொடூர விபத்தில் ரமேஷ் என்பவர் உயிரிழந்தார், மேலும் 11 பேர் படுகாயமடைந்து மருத்துவமனையில் அனுமதிக்கப்பட்டுள்ளனர். வாழ்வாதாரத்திற்காகச் சாலையோரக் கடைகளை நம்பியிருந்த பல குடும்பங்கள் இந்த விபத்தால் தங்கள் உடைமைகளை இழந்து நிலைகுலைந்து போயுள்ளனர். செல்வந்தர் ஒருவரின் ‘வேக ஆசை’யால் ஒரு உயிர் பறிபோனதுடன், பலரது வாழ்க்கை இருளில் மூழ்கியுள்ளது. விபத்து நடந்த இடத்தில் சிதறிக் கிடக்கும் உடைந்த வாகனங்களும் கண்ணாடிகளும் அந்த இரவின் கோரத்தை பறைசாற்றுகின்றன.