அவனை விடுங்கடா… ஓட்டுநரைத் தாக்கிய கும்பலிடம் கேட்ட… போலீசாருக்கு நேர்ந்த கொடூரம்… கத்திக் குத்தால் கேரளாவில் அதிர்ச்சி… நெஞ்சை நடுங்கவைக்கும் பகீர் சம்பவம்…!

கேரள மாநிலம் கொச்சி அருகே உள்ள வைப்பின் பகுதியில் உள்ளூர் கும்பலுக்கும் தனியார் பேருந்து ஊழியர்களுக்கும் இடையே கடுமையான மோதல் வெடித்தது. இந்தச் மோதலைக் கட்டுப்படுத்தவும், அமைதியை ஏற்படுத்தவும் நாரக்கல் காவல் நிலையத்தைச் சேர்ந்த உதவி ஆய்வாளர் ஜிதின் மற்றும் காவலர் ராகேஷ் ஆகியோர் சம்பவ இடத்திற்கு விரைந்து சென்றனர்.

அதிகாரிகள் தடுத்து நிறுத்த முயன்றபோது, ஒரு கொலை வழக்கில் குற்றம் சாட்டப்பட்டவரான ‘முன்னா’ என்பவன் தலைமையிலான கும்பல், பேருந்து ஓட்டுநரை ஏற்கனவே தாக்கியிருந்த நிலையில், தலையிட வந்த காவல்துறை அதிகாரிகளையும் கொடூரமாகத் தாக்கத் தொடங்கியது. இந்த திடீர் தாக்குதலில் உதவி ஆய்வாளர் ஜிதின் மற்றும் காவலர் ராகேஷ் இருவரும் கத்தியால் குத்தப்பட்டு படுகாயமடைந்தனர்.

https://twitter.com/CNNnews18/status/2112894411717931039/video/1

தாக்குதலில் காயமடைந்த இரண்டு அதிகாரிகளும் உடனடியாக மீட்கப்பட்டு, அருகில் உள்ள ஒரு தனியார் மருத்துவமனையில் தீவிர சிகிச்சைக்காக அனுமதிக்கப்பட்டுள்ளனர். தலைமறைவாகியுள்ள முக்கியக் குற்றவாளியான முன்னாவைக் கைது செய்வதற்காகக் காவல்துறையினர் தீவிரத் தேடுதல் வேட்டையைத் தொடங்கியுள்ளனர்.