ஒரு பெண்ணின் உயிரின் மதிப்பு வெறும் சொத்துக்காகவும், காப்பீட்டுத் (Insurance) தொகைக்காகவும் மட்டுமே சுருங்கிவிட்டதா என்ற அதிர்ச்சிகரமான கேள்வி தற்போது தெலங்கானாவில் எழுந்துள்ளது. தெலங்கானா மாநிலம் கம்மம் பகுதியைச் சேர்ந்த 28 வயதான மீனாட்சி என்ற இளம் பெண், தனது வீட்டில் மர்மமான முறையில் உயிரிழந்து கிடந்துள்ளார். இந்த மரணம் பெரும் அதிர்ச்சியை ஏற்படுத்தியுள்ள நிலையில், இது திட்டமிட்ட கொலை என்று பெண்ணின் வீட்டார் குற்றம் சாட்டி வருகின்றனர்.
மீனாட்சியின் கணவர் சிவாஜி, சொத்து ஆசைக்காகவும் மற்றும் ₹1 கோடி மதிப்பிலான காப்பீட்டுத் தொகையை அடைவதற்காகவும் தனது மகளைக் கொடூரமாகக் கொலை செய்துள்ளதாகப் பெண்ணின் குடும்பத்தினர் காவல் நிலையத்தில் புகார் அளித்துள்ளனர். இந்தச் சம்பவத்திற்கு இடையே, கணவர் சிவாஜி கடந்த காலத்தில் மீனாட்சியை மிகக் கொடூரமாகத் தாக்கி, அவரது முடியைப் பிடித்து இழுத்து சித்திரவதை செய்யும் பழைய வீடியோ ஒன்று தற்போது வெளியாகி சமூக வலைத்தளங்களில் பெரும் பரபரப்பை ஏற்படுத்தி வருகிறது.
இந்த அதிர்ச்சி வீடியோ மற்றும் புகாரின் அடிப்படையில், காவல்துறையினர் தற்பொழுது கணவர் சிவாஜியைக் கைது செய்து தீவிர விசாரணை வளையத்திற்குள் கொண்டு வந்துள்ளனர். மீனாட்சியின் உடல் பிரேதப் பரிசோதனைக்கு அனுப்பப்பட்டுள்ள நிலையில், அதன் அறிக்கை வெளியான பிறகே இந்தச் சம்பவம் தற்கொலையா அல்லது திட்டமிட்ட கொலையா என்பது முழுமையாகத் தெரியவரும் என்று போலிசார் தெரிவித்துள்ளனர்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…