“குழந்தையின் கால்களில் சிகரெட்டுகளால் சுட்டு, ஆணியை அடித்து” இஸ்ரேலியப் படைகளின் கொடூரம்… பாலஸ்தீனத்தில் மனிதநேயமற்ற செயல்..!!

பாலஸ்தீனத்தின் அல்-மகாரி (Al-Maghazi) எல்லைப் பகுதியில் இஸ்ரேலியப் படைகள் நடத்திய தாக்குதலில், ஒன்னரை வயதுக் குழந்தையொன்று கொடூரமான சித்திரவதைக்கு உள்ளாக்கப்பட்டுள்ளதாக வெளியாகி உள்ள செய்தி பெரும் அதிர்ச்சியை ஏற்படுத்தியுள்ளது. ஒசாமா அபு நாசர் என்பவர் தனது 18 மாதக் குழந்தை கரீமுடன் எல்லையில் இருந்தபோது, இஸ்ரேலிய ராணுவத்தினர் துப்பாக்கிச் சூடு நடத்தியுள்ளனர். அப்போது ஒரு குவாட்காப்டர் ட்ரோன் மூலம் மிரட்டப்பட்ட தந்தை, தனது குழந்தையைத் தரையிலேயே விட்டுவிட்டு சோதனைச் சாவடியை நோக்கிச் செல்லுமாறு கட்டாயப்படுத்தப்பட்டு, அங்கேயே நிர்வாணப்படுத்தப்பட்டு தடுத்து வைக்கப்பட்டுள்ளார்.

தடுத்து வைக்கப்பட்டிருந்த தந்தையின் முன்னிலையிலேயே அவரது கைக்குழந்தையைக் கொண்டு வந்த ராணுவத்தினர், சுமார் பத்து மணி நேரம் அக்குழந்தையைச் சித்திரவதை செய்ததாகக் கூறப்படுகிறது. சாட்சிகள் மற்றும் மருத்துவ அறிக்கைகளின்படி, குழந்தையின் கால்களில் சிகரெட்டுகளால் சுட்டும், பாதத்தில் ஆணியை அடித்து இறக்கியும் மிகக் கொடூரமான முறையில் காயப்படுத்தியுள்ளனர். 10 மணி நேரத் துயரத்திற்குப் பிறகு, செஞ்சிலுவைச் சங்கத்தின் (Red Cross) தலையீட்டால் குழந்தை கரீம் மீட்கப்பட்டு விடுவிக்கப்பட்டார்.

தற்போது குழந்தை கரீம் தனது குடும்பத்தினருடன் இருக்கும் நிலையில், தந்தை ஒசாமா அபு நாசர் இன்னும் இஸ்ரேலிய ராணுவத்தின் பிடியிலேயே உள்ளார். ஏற்கனவே மனநலச் சிகிச்சை பெற்று வந்த ஒசாமாவின் நிலை குறித்தும், அக்குழந்தைக்கு இழைக்கப்பட்ட கொடுமை குறித்தும் சர்வதேச நிறுவனங்கள் உடனடியாக விசாரணை நடத்த வேண்டும் என்று அவரது குடும்பத்தினர் கோரிக்கை விடுத்துள்ளனர். தந்தையை விடுவிக்கவும், இந்த மனித உரிமை மீறலுக்கு நீதி கிடைக்கவும் சர்வதேசத் தலையீட்டை அவர்கள் எதிர்பார்க்கின்றனர்.