அதிமுக பொதுச்செயலாளர் எடப்பாடி பழனிசாமி மீது ஏற்பட்ட அதிருப்தி காரணமாக, கட்சியின் முக்கிய மூத்த நிர்வாகிகளான எஸ்.பி.வேலுமணி மற்றும் தங்கமணி ஆகியோர் கட்சியை விட்டு விலக முடிவு செய்துள்ளதாக அரசியல் வட்டாரங்களில் பரபரப்பு தகவல் வெளியாகியுள்ளது. இதில் முன்னாள் அமைச்சர் தங்கமணி பாஜகவில் இணைய முடிவெடுத்துள்ளதாகவும், மற்றொரு முக்கிய முகமான எஸ்.பி.வேலுமணி தமிழக வெற்றிக் கழகத்தில் இணைய திட்டமிட்டு வருவதாகவும் கூறப்படுகிறது.
குறிப்பாக, தவெகவில் இணைந்த பிறகு தமக்கு எந்தவிதமான அரசியல் அல்லது சட்ட ரீதியான நெருக்கடிகளும் ஏற்பட்டுவிடக் கூடாது என்பதற்காக, வேலுமணி தரப்பு தற்போதே பாஜக மேலிடத்தின் அனுமதியைக் கோரி பேச்சுவார்த்தை நடத்தி வருவதாக அவர்களுக்கு நெருக்கமான வட்டாரங்கள் தெரிவிக்கின்றன; இந்த அடுத்தடுத்த நகர்வுகள் தமிழக அரசியல் களத்தில் பெரும் திருப்பத்தை ஏற்படுத்தியுள்ளன.