தமிழ் சினிமாவில் உச்ச நட்சத்திரமாக திகழ்ந்து கொண்டிருப்பவர் தான் நடிகர் விக்ரம். இவர் தற்போது அருண்குமார் இயக்கத்தில் வீர தீர சூரன் என்ற திரைப்படத்தில் நடித்து வருகின்றார். அதற்கு முன்பாக விக்ரம் நடிப்பில் உருவாகியுள்ள துருவ நட்சத்திரம் திரைப்படம் நீண்ட நாட்களாக ரிலீஸ் ஆகாமல் உள்ளது.
அதே சமயம் வருகின்ற ஆகஸ்ட் 15ஆம் தேதி விக்ரம் நடிப்பில் உருவாகியுள்ள தங்கலான் திரைப்படம் சுதந்திர தினத்தை முன்னிட்டு உலகம் முழுவதும் வெளியாக உள்ளது. இந்த திரைப்படத்தை இயக்குனர் பா ரஞ்சித் இயக்கியுள்ள நிலையில் ஸ்டுடியோ கிரீன் நிறுவனம் தயாரிக்க ஜிவி பிரகாஷ் இசையமைத்துள்ளார். ஏற்கனவே இந்த திரைப்படத்தின் டீசர், ட்ரெய்லர் மற்றும் பாடல் என அடுத்தடுத்து வெளியாகி வரும் நிலையில் இன்று இதன் மூன்றாவது பாடலும் வெளியாகி உள்ளது.
இந்த நிலையில் படத்தின் எதிர்பார்ப்பை மேலும் அதிகப்படுத்தும் வகையில் புதிய அப்டேட் ஒன்று வெளியாகி உள்ளது. அதாவது நடிகர் விக்ரம் இந்த திரைப்படத்தில் இரட்டை வேடங்களில் நடித்துள்ளார் எனவும் கூறப்படுகிறது. இதனை பட குழு வெளியிடாமல் மிகவும் சர்ப்ரைஸ் ஆக வைத்திருப்பதாகவும் சொல்லப்படுகிறது. இந்த தகவல் ரசிகர்கள் மத்தியில் மேலும் ஆர்வத்தை தூண்டி உள்ளது.