ஈரான் மற்றும் இஸ்ரேல் இடையேயான போர் தீவிரமடைந்துள்ள நிலையில், மார்ச் 7, 2026 அன்று அதிகாலை ஈரான் தலைநகர் தெஹ்ரானில் உள்ள மெஹ்ராபாத் சர்வதேச விமான நிலையத்தை இலக்கு வைத்து இஸ்ரேலிய போர் விமானங்கள் கடுமையான வான்வழித் தாக்குதலை நடத்தின. இந்தத் தாக்குதலில் விமான நிலையத்தின் ஓடுதளத்தில் நிறுத்தி வைக்கப்பட்டிருந்த பல பயணிகள் விமானங்கள் தீப்பிடித்து எரிந்தன. விமான நிலையப் பகுதி முழுவதும் அடர்ந்த கரும்புகை சூழ்ந்துள்ளதைக் காட்டும் வீடியோக்கள் சமூக வலைதளங்களில் வைரலாகி வருகின்றன.
Video showing strikes earlier tonight against Mehrabad International Airport in the Iranian capital of Tehran, with strikes by Israel and/or the United States targeting civil infrastructure and aircraft at the airport, including at least one Boeing 747. pic.twitter.com/m836Kalzbw
— OSINTdefender (@sentdefender) March 7, 2026
இஸ்ரேலிய ராணுவம் ஈரானிய அரசு மற்றும் ராணுவக் கட்டமைப்புகள் மீது இந்தப் புதிய அலைத் தாக்குதல்களைத் தொடங்கியுள்ளதாக அதிகாரப்பூர்வமாக அறிவித்துள்ளது. சுமார் 80-க்கும் மேற்பட்ட போர் விமானங்கள் இந்தத் தாக்குதலில் ஈடுபடுத்தப்பட்டதாகவும், இதில் ஈரானின் ஏவுகணை ஏவுதளங்கள் மற்றும் ராணுவப் பல்கலைக்கழகங்கள் போன்றவை முக்கிய இலக்குகளாக இருந்ததாகவும் தெரிவிக்கப்பட்டுள்ளது. ஈரானின் வான் பாதுகாப்பு அமைப்புகள் இந்தத் தாக்குதல்களைத் தடுக்க முயன்ற போதிலும், விமான நிலையத்தின் சிவில் உள்கட்டமைப்புகள் மற்றும் விமானங்கள் சேதமடைவதைத் தவிர்க்க முடியவில்லை.
இந்தத் தாக்குதலால் மெஹ்ராபாத் விமான நிலையத்தைச் சுற்றியுள்ள பகுதிகளில் வசிக்கும் மக்கள் பெரும் அச்சமடைந்து பாதுகாப்பான இடங்களுக்குத் தஞ்சம் புகுந்துள்ளனர். எரிபொருள் மற்றும் எண்ணெய் எரிவதால் ஏற்படும் நச்சுப் புகையிலிருந்து தற்காத்துக் கொள்ள ஜன்னல்களை மூடிவிட்டு வீடுகளுக்குள்ளேயே இருக்குமாறு அப்பகுதி குடியிருப்பாளர்களுக்கு எச்சரிக்கை விடுக்கப்பட்டுள்ளது. இந்தப் போர் இரண்டாவது வாரத்தில் நுழைந்துள்ள சூழலில், ஈரானும் இதற்குப் பதிலடியாக இஸ்ரேல் மீது ஏவுகணைகளை வீசி வருவதால் மத்திய கிழக்கில் பதற்றம் உச்சக்கட்டத்தை எட்டியுள்ளது