“பாடம் எடுக்கும் போது தவறான இடத்தில் தொட்டு…” ஆபாசமாக பேசிய ஆசிரியர்…. வகுப்பறையில் கிடந்த பொருட்கள்… மாணவிகளின் பரபரப்பு புகார்…!!

மதுரை மாவட்டம் சுப்பிரமணியபுரம் பகுதியில் அரசு உதவிபெறும் பள்ளி அமைந்துள்ளது. இங்கு 500-க்கும் மேற்பட்ட மாணவ, மாணவிகள் படித்து வருகின்றனர். இந்த பள்ளியில் வேலை பார்க்கும் ஆசிரியர் ஒருவர் மாணவிகளுக்கு பாலியல் ரீதியாக தொந்தரவு அளித்துள்ளார். வகுப்பறையில் பாடம் எடுக்கும் போது ஆபாசமான வீடியோக்களை காட்டி பாலியல் சீண்டலில் ஈடுபட்டதாக புகார் எழுந்தது. இந்த விவகாரம் தொடர்பாக மாணவிகள் மாநகர காவல் ஆணையர் அலுவலகத்திற்கு நேரடியாக சென்று புகார் அளித்தனர்.

அதில் ஆசிரியர் மாணவிகளை தவறான இடங்களில் தொட்டு பாலியல் தொந்தரவு அளிக்கிறார். அவருக்கு ஆதரவாக தலைமை ஆசிரியரும் உதவி தலைமை ஆசிரியரும் செயல்படுகிறார்கள். உதவி தலைமை ஆசிரியர் மாணவர்களுக்குள் பிரச்சனையை தூண்டி இரு கோஷ்டியாக பிரிக்கிறார். மாணவர்கள் மது அருந்திவிட்டு பள்ளிக்கு வருவதை நிர்வாகம் கண்டு கொள்ளவில்லை. பள்ளி வகுப்பறைகளில் பீடி சிகரெட் துண்டுகள் கிடைக்கிறது என பரபரப்பு புகார் அளித்தனர். அந்த புகாரின் அடிப்படையில் தலைமை ஆசிரியர் உள்பட 3 பேர் மீது போலீசார் சட்டத்தின் கீழ் வழக்கு பதிவு செய்துள்ளனர். இதுகுறித்து விசாரணை நடைபெற்று வருகிறது.