தமிழ்நாடு அரசு போக்குவரத்துக் கழகம் சார்பாக புதிதாக வாங்கப்பட்டுள்ள 300 அதிநவீன அரசுப் பேருந்துகளின் இயக்கத்தை, சென்னை தலைமைச் செயலகத்தில் நடைபெற்ற விழாவில் முதலமைச்சர் சி. ஜோசப் விஜய் கொடியசைத்து முறைப்படி தொடங்கி வைத்தார். சென்னை, கோவை உட்பட 6 முக்கிய கோட்டங்களின் பயன்பாட்டிற்காக 164 டீசல் பேருந்துகளும், சுற்றுசூழலுக்கு உகந்த 136 சி.என்.ஜி பேருந்துகளும் இதில் அடங்கும். இந்தத் தொடக்க விழாவைத் தொடர்ந்து, திருவல்லிக்கேணியில் இருந்து பெரம்பூர் செல்லும் புதிய மாநகரப் பேருந்தில் முதலமைச்சர் விஜய் நேரடியாகப் பயணித்து, ஓட்டுநர் மற்றும் நடத்துநருக்குத் தனது வாழ்த்துகளைத் தெரிவித்தார்.
அனைத்தும் சில நாட்களுக்கு முன்பே சென்னைக்குக் கொண்டுவரப்பட்டு கோயம்பேடு மற்றும் கிளாம்பாக்கம் பேருந்து நிலையங்களில் தயார் நிலையில் நிறுத்தி வைக்கப்பட்டிருந்தன. இருப்பினும், நிர்வாகக் காரணங்களால் இந்தத் தொடக்க விழா தள்ளிப்போனதால், மக்கள் பயன்பாட்டிற்குரிய பேருந்துகளைத் தாமதப்படுத்துவதாகப் பல்வேறு தரப்பினரும் தங்களது கண்டனங்களைத் தெரிவித்திருந்தனர். தற்பொழுது அனைத்துப் பேருந்துகளும் பயன்பாட்டிற்கு வந்துள்ளதால், மாவட்டங்களுக்கு இடையேயான போக்குவரத்து நெரிசல் குறைந்து பயணிகளின் தினசரி பயணம் மேலும் எளிதாகும் என எதிர்பார்க்கப்படுகிறது