“சேலத்தில் பரபரப்பு… தூய்மைப் பணியாளர் காலில் விழுந்த தமிழக அமைச்சர்…! மேடையில் உறைந்து போன தொண்டர்கள் – பின்னணி என்ன…?”

தவெக தலைவரும் தமிழக முதலமைச்சருமான திரு. ச. ஜோசப் விஜய் அவர்களின் பிறந்தநாளை முன்னிட்டு, சேலம் மாவட்டம் அயோத்தியாபட்டினம் வடக்கு ஒன்றிய தவெக சார்பில் 1,000-க்கும் மேற்பட்ட ஏழை எளிய மக்களுக்கு நலத்திட்ட உதவிகள் வழங்கப்பட்டன. இந்த விழாவில் முதன்மை விருந்தினராகக் கலந்துகொண்ட போக்குவரத்துத்துறை அமைச்சர் திரு. விஜய் தமிழன் பார்த்திபன், சமூகத்தைத் தூய்மையாக வைக்கும் பணியாளர்களைக் கௌரவிக்கும் விதமாக அவர்களுக்கு வாழ்வாதாரப் பொருட்களை வழங்கினார்.

அப்போது மேடைக்கு வந்த வயதான ஆண் தூய்மைப் பணியாளர் ஒருவர், அமைச்சரிடம் இருந்து பொருட்களைப் பெற்றுக் கொண்ட நெகிழ்ச்சியில் திடீரென அவரது காலில் விழுந்து வணங்க முற்பட்டார். வயதில் மூத்தவர் தன் காலில் விழுவதைக் கண்டு பதறிய அமைச்சர், அவரை உடனடியாகத் தடுத்து நிறுத்தியதோடு மட்டுமல்லாமல், ஒட்டுமொத்த கூட்டமும் வியக்கும் வண்ணம் பதிலுக்கு அந்தத் தூய்மைப் பணியாளரின் காலில் விழுந்து வணங்கினார். அமைச்சரின் இந்த எதிர்பாராத பண்பான செயலால் அந்த எளிய பணியாளர் நிலைகுலைந்து கண்கலங்கினார், மேலும் அங்கிருந்த பொதுமக்களும் நெகிழ்ச்சியில் ஆழ்ந்தனர்.

இதனைத் தொடர்ந்து மைக்கில் பேசிய அமைச்சர், “தயவுசெய்து இனி யாரும் என் காலில் விழ வேண்டாம், நாமெல்லாம் மக்கள் சேவகர்கள்; சமூகத்தைத் தூய்மைப்படுத்தும் உங்களைப் போன்ற நடமாடும் தெய்வங்களின் காலில் விழுந்து ஆசி பெறுவதே பெருமை” என்று கனிவுடன் வேண்டுகோள் விடுத்தார். அரசியல்வாதிகள் காலில் மக்கள் விழும் கலாச்சாரம் பரவலாக உள்ள நிலையில், எளிய தூய்மைப் பணியாளருக்கு அமைச்சர் அளித்த இந்த மரியாதை மாற்று அரசியலின் அடையாளமாகப் பார்க்கப்படுகிறது. அயோத்தியாபட்டினத்தில் நடந்த இந்நிகழ்வின் வீடியோ சமூக வலைத்தளங்களில் வைரலாகி வரும் வேளையில், கட்சிப் பாகுபாடின்றி அனைத்துத் தரப்பு மக்களும் அமைச்சரின் இந்த எளிய குணத்திற்குப் பாராட்டுகளைக் குவித்து வருகின்றனர்.