போபால் நகரின் கோலார் பகுதியில் உள்ள டேனிஷ் குஞ்ச் பகுதியில் இன்று அதிகாலை 5 மணியளவில் சாலை விபத்து ஒன்று நிகழ்ந்துள்ளது. அப்பகுதியில் வேகமாக வந்த எஸ்யூவி வாகனம் ஒன்று, சாலையோரம் நிறுத்தப்பட்டிருந்த ஒரு கார் மீது மோதியது. இந்த மோதலின் தாக்கத்தால், அந்த நின்றுகொண்டிருந்த கார் முன்னால் நிறுத்தப்பட்டிருந்த ஸ்கூட்டர் மீது மோதி பயங்கரமாகத் தள்ளப்பட்டது.
இந்த கோர விபத்தின்போது, அந்த ஸ்கூட்டரின் அருகில் நின்றுகொண்டு செய்தி விநியோகம் செய்யும் பணியில் ஈடுபட்டிருந்த 36 வயது செய்தித்தாள் விற்பனையாளர் மீது வாகனம் மோதியது. இதில் அந்த விற்பனையாளரின் காலில் பலத்த காயம் ஏற்பட்டது. அதிகாலை நேரத்தில் நடந்த இந்த திடீர் விபத்தால் அப்பகுதியில் பெரும் பரபரப்பு ஏற்பட்டது. உடனே அருகில் இருந்தவர்கள் அவரை மீட்டு சிகிச்சைக்காக மருத்துவமனைக்கு அனுப்பி வைத்தனர்.
https://twitter.com/contentkikamii/status/2113248730778644702/video/1
விபத்து நடந்தவுடன் எஸ்யூவி காரை ஓட்டி வந்த ஓட்டுநரும், அவருடன் காரில் பயணித்த ஒரு பெண்ணும் உடனடியாகச் சம்பவ இடத்திலிருந்து தப்பி ஓடிவிட்டதாகத் தகவல்கள் வெளியாகியுள்ளன. விபத்து ஏற்படுத்தியவர்கள் மீது உரிய நடவடிக்கை எடுக்க வேண்டும் என்று கோரிக்கை எழுந்துள்ளது. மேலும், அப்பகுதியில் உள்ள சிசிடிவி கேமரா காட்சிகளை அடிப்படையாகக் கொண்டு காவல்துறையினர் தீவிர விசாரணை நடத்தி வருகின்றனர்.