தமிழ் சினிமாவின் முன்னணி நடிகராக இருந்து வருபவர் சூர்யா. இவர் பழம்பெறும் மூத்த நடிகர் சிவகுமார் அவர்களின் மூத்த மகன் ஆவார். இவரது சகோதரர் கார்த்தியும் தமிழ் சினிமாவில் முன்னணி நடிகராக இருக்கிறார். நடிகராக மட்டுமல்லாமல் திரைப்பட தயாரிப்பாளராகவும் இருந்து வருகிறார் சூர்யா.
1997 ஆம் ஆண்டு நேருக்கு நேர் என்ற திரைப்படத்தின் மூலம் தமிழ் சினிமாவில் அறிமுகமானார் சூர்யா. தனது இரண்டாவது படமான நந்தா திரைப்படத்தின் மூலம் திருப்புமுனையை பெற்றார். தொடர்ந்து காக்க காக்க பிதாமகன் வாரணம் ஆயிரம் ஏழாம் அறிவு போன்ற பல வெற்றி திரைப்படங்களில் நடித்து முன்னணி நடிகர்களுள் ஒருவராக ஆனார்.
தொடர்ந்து சிங்கம் படத்தொடர் ஜெய் பீம் சூரரைப் போற்று போன்ற நல்ல கதை அம்சம் கொண்ட படங்களில் நடித்திருக்கிறார் சூர்யா. தற்போது இவர் நடிப்பில் பிரமாண்டமாக தயாராகி இருக்கும் கங்குவா திரைப்படம் நவம்பர் 14ஆம் தேதி வெளியாக இருக்கிறது. இந்த திரைப்படத்தின் பிரமோஷன் நிகழ்ச்சிகளுக்காக பிஸியாக இருந்து வரும் சூர்யா ஒரு நேர்காணலில் அவர் நடித்த ஜெய் பீம் படத்தை பற்றி பகிர்ந்து இருக்கிறார்.
2021 ஆம் ஆண்டு சூர்யா நடிப்பில் வெளியாகி நல்ல விமர்சனங்களை பெற்ற திரைப்படம் தான் ஜெய்பீம். இந்த திரைப்படத்தை பற்றி சூர்யா கூறுகையில் என்னுடைய ஜெய் பீம் படம் பாக்ஸ் ஆபிஸ் ஹிட் ஆகாமல் இருக்கலாம் ஆனால் அந்த படத்தின் மூலமாக நாங்கள் ஏற்படுத்திய விழிப்புணர்வால் தமிழ்நாட்டில் மூன்று லட்சம் மக்கள் பயனடைந்து இருக்கிறார்கள். அதுவே எங்களுக்கு போதுமானது திருப்தியாக இருக்கிறது என்று மனம் திறந்து பேசி இருக்கிறார் சூர்யா.