சமீபத்தில் ஒரு நேர்காணலில் பேசிய இயக்குனர் சுதா கொங்கரா கூறியதாவது, எனக்கு ஒரு முழு நீள காதல் கதையை உருவாக்கும் ஆசை நீண்ட நாட்களாகவே உள்ளது. அதற்கான கதையும் என்னிடம் தயாராக உள்ளது. திரைக்கதை மட்டும்தான் எழுத வேண்டியுள்ளது. நான் ரஜினிகாந்தின் மிக தீவிரமான ரசிகை. ரஜினியை வைத்து முதல் மரியாதை போன்ற ஒரு படத்தை உருவாக்க ஆசைப்படுகிறேன் என்று அவர் கூறியிருக்கிறார்.
இயக்குனர் பாரதிராஜா இயக்கத்தில் சிவாஜி கணேசன் ராதா நடித்த படம் முதல் மரியாதை. இந்த படம் இன்றும் ரசிகர்களால் விரும்பி ரசிக்கப்படும் ஒரு மிகச்சிறந்த படமாக உள்ளது. பரிசல் ஓட்டும் இளம்பெண்ணுக்கும். ஊர் பண்ணையாருக்கும் ஏற்பட்டும் காதல் உணர்வுகளை சொன்ன இந்த படம் இன்றும் தமிழ் சினிமாவில் ஒரு பேசப்படும் படமாக இருக்கிறது என்பது குறிப்பிடத்தக்கது.